Segmi telli tiwwura-s deg useggas n 1997, takebanit n usbeddi n tkubaniyin timeẓyanin (ANGEM) d tin ttaqsaden aṭas n yelmeẓeyen i d-yettasen si tamiwin yemxalafen n lewilaya n Tizi Wezzu. Dayen yeǧǧan lebiru-ines ad iɛmer s zeyadda. I lemend n tifrat n weɣbel-agi, tanemhalt n tekubanit-agi d tin isewejaden i tulya n 3 n tezɣwa di tlata n dayrat. Tamenzut d Draɛ Lemizan anida lecɣal qrib ad faken, tis snat d Iɛzuggen, ma d tis tlata d Ɛin Lḥemam. Maca taneggarut-agi lan deg-s kra n wuguren i lmend n lexssas n umekkan n lebni. Ad nesmekti belli takubanit n ANGEM d tin i d-yesnulfan azal n 8 139 n tkubaniyin timeẓyanin, am akken i d-tesnulffa 22 000 n imekwan n uxeddim deg iḥricen yemgaraden s wazal n 4.3 n imelyaren n dinar. Si tama nniḍen ad ner lwelha belli takubanit-agi llan suteren deg-s imeḍebren asbeddi n 1 200 n tekubaniyin timeẓyanin aseggas yezrin, tessulli leḥsab ɣer 1 394 n tekubaniyin am akken i d-tesewjed 3 514 n imekwan n uxxedim.
Dalila I