Larebɛa-nni iɛeddan, ɣef tmanya n sbeḥ,; begssen-d imezdaɣ n tɣiwant n At Leqser, azal n ɛecrin kilu si temdint n Tubiret, i wegzam n webrid s yijeqduren, iẓra d les pneus yuɣen d timest. Smaren reffu-nnsen at leqser ɣef webrid n ukerrus, akken kan iten-d-wwḍen tfatṭurin n waman. Ulac tafaṭurt i isubben ddaw n sin imelyan (20.000 DA). Dayen ur iqebbel leɛqel imi acḥal aya ur lḥan waman di rrubiniyat n At Leqser. Lmaɛna-s, ad xelsen at leqser ayen ur swin ! Lḥasun, reffu-nni ɣef tfaturin yesekfel-d akk iɣublan ttidiren imezdaɣ n tɣiwant n at leqser. Fursen ihi tagnit bac ad sutren allalen akk i ten-ixusen. Lewhi n lɛecra n sbeḥ ɛewlen imedaɣ,; ladɣs ilmeẓyen i lexsara d truẓi. Lmir n tɣiwant, ɣas ma yefhem reffu-nni, i wala belli mačči d taruẓi i d abrid. Yeɛreḍ amek ara d-yer imezdaɣ n tɣiwant-is ɣer laɛqel. Aɣbel-is ur yettili ara umerẓi gar-asen d ijadermiyin yeggunin iten-d-yettɛassan. Akken dɣa i yella lḥal.
B.N