Tala Σetman d yiwet n taddart gar tuddart n tγiwant n Tizi Wezzu, tebεed fell-as azal n 15 n kilumitr. Tala Σetman tettwassen γer yimdanen s ssuq n lxeḍra akked ssuq n wass lğemεa. Acu kan, iseggasen-agi ineggura, tettwassen diγ s wayen-nniḍen : s wayen ur nemεin. Aṭas i yeḍran u mazal ay iḍerru : si tukksa n sser ar tukerḍa d usqiṭṭeε deg yiberdan. Di ddurt iεeddan, kra n yimdanen sqaṭṭεen i yiwet n ṭunubil, εerran wid yellan daxel, wwten-ten s lebγeḍ, ksen-asen llebsa nsen, ğğan-ten din, ksen-asen ula d tisura n tkarrust.
Ulac ass ara iεeddin mebla ma yegla-d s teqriḥt. Yal wa yeqqar :’’akka akk i tḍerru di tuddart n leqbayel, mačči ala dagi.’’
Hocine. M