Ajeǧǧig, zeggaɣ neɣ mellul, mačči menwala ad as-yili d amur. Akken aɣ-id-iṣaḥ, ilaq alamma ncerw-itt merriɣet, alamma nella d isfayluyen, alamma nezweṛ. Ɣer-neɣ, kullec nettmagar-it s
yijeǧǧigen : s ujeǧǧig i
nettcebbiḥ takeṛṛust n teslit asmi ara teddu ɣer winna i as-d-ibudden tajeǧǧigt n tudert; s ujeǧǧig i nettcebbiḥ tarzeft n lmut imi ara
teccelqef ṛṛuḥ n win ɛzizen ; s ujeǧǧiǧ i nettmagar tin akken naɣ winna akken nḥemmel xas tikwal ur ḥemmlen ara ijeǧǧigen! Tineggura-yagi, ajeǧǧiǧ, nɣettem-it-id akken ad nessider yes-s wid nerra d iqerra ɣef yedles, d iqerra ɣef umezgun, d iqerra ɣef ccna,…atg. Nɣettem-d ajeǧǧig akken ad d-nemmekti
ifennanen-nneɣ nerra di rrif acḥal d aseggas, ama d at ccna ama d at umezgun ama d at teklut. S ujeǧǧig i necbuccuɛ kra, yes-s i nettarra tili i kra nniḍen. Yak Ṛebbi-nnsen yiwen ! Yak akken ma llan d at lfen, d at tẓuri : wa
yessefray, wa yettaru, wa icennu, wa yekkat allalen n lmusiqa, wa yetturar
amezgun, wa yxeddem
taklut.Yal yiwen acu deg-i yetwel, yal yiwen s lqedr-is. Ma ulac yiwen gar-asen,
lewqam ad t-nectiq. Acḥal i neḥdeq, ntettu belli Ṛebbi iteddu d wid itewlen xas nerra-yasen tili medden ttamnen s wayen sellen ! Ajeǧǧig ɣer gma-s ad temmed tmuqint ijeǧǧigen, di
tfeswin-nneɣ !
Zira