Deg ssin isaggasen-agi ineggura, qrib yal ddurt iɣmisen n tmurt ttawin‑d ɣef taxazabiyin i‑iḍerun di tmurt n Leqbayel armi yuɣal lxuf ikcem leḥwari, yekkseb izenqen, yeduri tiɣamar. Imewlan n yinelmaden deg uɣerbaz amenzu zgan deffir n waraw‑nsen acku laman iffuk, yal wa yettergigi ɣef terw‑as amer ad yilli wacu ‑iten yettaɣen. Ula d‑at lḥirfat ur mniɛen ara seg txazabyin‑agi imi yennulfed diɣ di tneggura‑agi uxḍaf‑nsen sɣur kra n tirebuyaɛ ur nettwexir deffir yal taɣawsa akken ad sewren adrim. Anwi i‑yellan ilmendad n wencat‑a ? hedd ur yeẓri. Ass‑a tjara tella deg yegrazen: “ awid adrim ma ulac mmi‑twen iɛedda lqec‑is”! Ass‑a imadanen ttmeslayen ɣef wigi yettkren igerden akken ad zenzen tigeẓal‑nsen, ɣef wigi yesqiṭiɛen i yemɛelamen akken ad sutren adrim, deg iberden am deg yiḍ naɣ deg uzal. Yal taxlijt di temanḍt n tmurt n Leqbayel ala ɣef anexct‑a i ttemjadalen, deg zenqen, deg leqhawi, deg yixamen: anti tirebutaɛ ‑agi ila yesserwaten yerna deg uzal qayli akken u amek isen‑t yehwa? Ayen serbes n laman gumman ad affen anwi yella deffir anect‑a n tedyanin timerzuga? Acu n lɣerd yellan deffir iɣissan ihuzan lehna di temnaḍt ‑agi n tmurt? Di lejweyhi n tmurt anda akken zik yeserwet rebrab akken id as yehwa, lehna tuɣal-d, ayen ihi tamurt n Leqbayel yellan zik d agni n laman, deg talwit tufa iman‑is trebba afud armi id ‑ttcuben ɣer la Suisse tamecṭuḥt yenquqel ujgu n lehna ɣef akal‑is?D taqenuzrt gummen ad sefrun wid yettmzyizen. Tuttriwin i d‑ iɣalin s annar n unadi d tid yecban diɣ tigi:Anda akka d gren ikabaren n tserrtit bḥal l RCD d L FFS, acu umu yezmer umussu n timanit ad t‑yexdem?Anda‑t wawal n dewlap ɣef ayen yeɛnan talut‑agi?
Lḥasun tugdi teskecem tucar‑is deg ixfawen n medden, telli‑d tawwurt i watwar ur nesɛi tillisit, yal asteqsi yesawal i westeqsi nniḍen, yal lejwab yuffa‑d iman‑is ixus, imi tazwert n tagra n temselt ur teben ara. Ddwa n taluft, di teswiɛta yella‑d kkan deg umjazi n yemdanen mgal anct‑a, yal tikelt mi ara d teḍru txazabit, nettwali imezdaɣ n tmurt n Leqbayel ddukulen akken ad frun tamselt am akken teḍra tikelt‑a deg tamanḍt Nat Jennad imi yettwexḍef Omar akked Moḥand Slimana deg Yimexllef. Deffir urif n yemdanen wid id t‑yewwin uɣalen rran aḍar serehen‑as ‑id, lamaɛni ar melmi?
Du leqrar imdanen ad aɛyyun deg anect‑a, yal wa ad yeseḥbibir kan ɣef yiman‑is, imir annar ad yuɣal d ‑ayla n wid yellan deffir n txazabiyin‑agi. Tasusmi n imdebren yettukelfen ɣef anect‑a tesenerna lḥir deg ulawen n yemdanen, ma d teswiɛt teɛejel ilaq ljwab ɣef tuttriwin d yeɣlin s annar, ilaq wid teɛna tamselt ad meslayen ɣef liḥala n laman di tmurt n Leqbayel, amer ad uɣalen‑t tregwa s amkan. D wa i d asirem n kra n wid nemeslay ɣef tadyant‑agi.
Ait Slimane Hamid