Taɣiwant n At Wasif i d-yezgan deg wedrar n Ǧerǧer d tin i d-yestfayedin taggara-a s yiwen ussenfar n ucuddu ɣer uqadus n legaz n temdint ɣef teɣzi n 22 km. Lexbar-a yesseferḥ imezdaɣ n tɣiwant i yesɛddayen cedda n usemmiḍ yal asseggas ɣer yiri n lkanun. Ɣas akken azal n 8000 n yimezdaɣ, deg telemmast n tɣiwant, i-d yestfayedin s usenfar-a, d kra n tudrin iqerben am tadert n AT Abbas. Ma d tudrin nniḍen ibaɛden am Tirwal, Agni Ufuru, At aggad d tiyaḍ mazal usurif ɣezif. Ad nesmekti belli lwilaya n Tizi Wezzu d tin deg yelḥa s waṭas usenfar n ucuddu ɣer uqadus n lgaz n temdint deg issegassen ineggura imi yewweḍ ɣer wazal n 34%, am akken yetturaju, ɛlaḥsab n yemḍebren n tkubbanit n Sonelgaz, ad yaweḍ ɣer 100% deg useggas n 2014. Tadrimt meqqren i yettunefeken i wesenfar-a yewweḍ ɣer wazal n 2 375 imelyunen n yidinaren. Si tama nniḍen ad ner lwelha belli aɛewwiq meqqren i yettemlili usenfar-a, am netta am waṭas n yisenfaren unegmu, d imawlan n wakal i yettagin ad iɛeddi uqadus n lgaz ɣef wakal-nesen.
Dalila Imgaline
Wagenun
Ccetwa nniḍen
Imezdaɣ n tɣiwant n At Wagenun i d-yezgan deg ugafa n lwilaya n Tizi Wezzu, ɣilen belli lmeḥenna n usemmiḍ d tin i yewḍen ɣer leḥed-is deg ussegas yezrin mi-d yella uceddu n teɣiwant ɣer uqadus n legaz. Maɛna uffan-d iman-nsen i tikkelt nniḍen ad sɛddin cetwa deg wegris ! Sebba n uɛeṭṭal-a, ɛlaḥsab n srabes n Sonelgaz, tcud ɣer uraqeb n yikunturen d tawilat n uceddu n lgaz. Maca sebba-a d tin ur uminen imezdaɣ i d aɣ-d-yeqqaren belli araqeb n tawilat d tamsalt isehlen. Si tamma nniḍen, ar tura ur d-yelli usewjed n tawilat n ucuddu n uqadus n lgaz deg lebniyat n ddula, ladɣa iɣerbazen d wexxam n tɣiwant.
Dalila I.