Wissen ahat acu ideg tettwalas tmaziγt imi mwatan akk fell-as, bγan ad tt-snegren. Tiγilt iwumi tejba ad tt-id-temmager tayeḍ, urrif tefra ad d-yennulfu wayeḍ. Iselmaden n tmaziγt, imi d nutni i yettqabalen tignatin qerriḥen, ur ufin win ara d-ibedden γer tama nsen. Ama d ikabaren neγ ahat tidukliwin tidelsanin, ad d-nini tidet, bran i ṭṭbel deg waman. Ğğan taluft n tmaziγt i yiselmaden, nwan d ayen tefra, yekfa umennu&gamma,; teqqim-d leqraya. I wigi, ad ḥsun belli amennuγ mazal yettkemmil,yerna yewweḍ s anda akken ggtent tkerrisin. Amek ihi, nedder almi ula d lmir di tmaneγt yefka ttriḥ i yinelmaden iwakken ur qqaren ara tutlayt n Masensen. Amdan-a, mačči d tamusni ur yessin ara, maca d abrid i yufa. Ulac win ara s-yinin s anda akka i tettedduḍ ay…?
D acu ara yexdem uselmad nnig usuγu deg yiγmisen ? Lğehd, ata-n di tama nniḍen, γer wid iwulfen ttnekkaren zik-nni. Maca, γef wakken i nettwali, yal wa yeqqar-as mačči d nek ara d-yezwiren. Ma nezzi-d γer sidi Lmir, amer d lebγi ad izer anda llant tlisa n yal yiwen. Limer d ayen nniḍen ideg isewweq, ad yekker fell-as uhetwir. Imi, d tamaziγt, atas i yuḥmaden, yekmez-asen anda bγan. Yexdem aya amzun akken yefra taluft n waman, tezdeg n yizenqan, tanezduγt d waṭas n yisenfaren. Maca, ur yekkir ara γer cγel am wa almi wissen acu i yebγa ad yessedreg.Akken tebγu tili teswiεt, tagut ad tifrir acku wigi yesserwaten berra i unnar, ttun d akken tutlayt-a tesεa wid yettḥaraben fell-as. Skud mazal tarwa n leḥlal…
Sylia. M