Tidukla « Ilmezyen n Tizi » d yiselmaden n tesdawit Mouloud Mammeri n Tizi Wezzu d wid yemlalen deg wussan iɛeddan i lmend n usqerdec d tifin n tifrat i wugur n tizin n tnezeruft neɣ la desertification. Ahil-agi d win i wumi semman « Ahil n Ilel Agrakal ». Ad ner lwelha belli, azal n 27 imelyunen n yeqṭaren n wakal i teɛna taluft-a, ɣer tama n taluft n useyax i iḥuzan yakan azal n 15 alef n yieqtaren. Tuẓut n tjur deg lwilayat yemgaraden n tmurt, bḍan ɣef xemsa n yeḥricen. Aḥric amezwaru, s ɣur iɣallen n daxel, ad yebdu ass n umenzu n meɣres i d-iteddun, aḥric wis sin d win yaɛnan 10 n les parcs nationaux, u tazwara ad tili deg Ǧerǧer, di tizi wezzu, d Guraya di Begayet d Reɣaya. Di taggara ad awḍen ɣer tẓegwa timeqranin n temurt-nneɣ. Si tama nniḍen ad tili tuṭfa n ttawer d usaru ɣef yimeḍqan n tmarit deg tmurt. Ad d-ner lwelha belli tamurt-neɣ d tin ixusen deg uḥric-agi n tzegzewt, imi ala azal 11% n wakal n tmurt i izegzawen, u ilaq ad yili nnig n 29 %. Taswiɛt agi d tin i d aɣ-yeǧan seg tmura tineggura deg ugafa n tefriqt, imi lqidar n tzegzewet di tmurt n Lmaruk tewweḍ ɣer 17%, di Tunes ɣer 20%.
D.Imgaline