Addal
Ger tmanya n yinadalen d tnadalin i d-yufrarin aseggas-a deg usmil n lkarati n tdukla tanadalt J. S. Chemini,ala Belghazi Sarah i yettwafernen akken ad tekcem γer terbaεt taγelnawt. Aya yella-d mbeεd mi d-tewwi amḍiq amezwaru s cciεa n dheb deg temzizelt taγelnawt n lkarati i d-yeḍran di Lezzayer Tamanaγt deg ass n 27 unbir 2010. Tanadalt-a tameẓyant tetturar di lixtisas umi qqaren :KUMITE INDIVIDUEL n wid iweznen ddaw n 54kg.
Γer yidis n Sarah i yewwin cciεa n dheb,Benyoub Massinissa yewwi-d amḍiq wis sin s cciεa n lfeṭṭa ger wid iweznen ddaw n 70 kg(catégorie cadet). Ma d setta n yinadalen-nniḍen(catégories junior,cadet)wwin-d amḍiq wis tlata s cciεat n lebrunz.
Igemmaḍ-a yelhan sferḥen s waṭas imezdaγ n temnaḍt n at Weγlis,imi inadalen-a rran-d asirem i waṭas n yilmeẓyen i izemren ula d nutni ad ufrarin di yal aḥric γas ma yella lixsas n ttawilat. Mebla ccek tijmilt ad tuγal i yiεeggalen n tdukla J. S. Chemini ladγa isleγmayen n yinadalen-a massat :Rachef Adel akked Boudries Sofiane imi s sseba n leqdic-nsen d tmusni-nsen i ssawḍen γer yigemmaḍ-a.
Daγen imawlan n yinadalen fkan-d afud d ameqran akken ad ilin yigemmaḍ-a,imi bedden γer yidis n warraw-nsen,d nutni i ten-yettawin ama deg yiḍ neγ deg uzal seg tudrin-nsen γer tzeqqa ideg derriben i d-yezgan di tlemmast n Chemini. Mass Belghazi Said baba-s n Sarah i d-yewwin amḍiq amezwaru,d amedya γef yimawlan-a yettsanaden tarwa-nsen,ladγa imi ibedd γer yidis n yelli-s kra kkant tedwilin n uderreb akked temzizliyin. Tanemmirt i Sarah d yakk inadalen d yiεeggalen n tdukla J. S. Chemini.
Mokrane Chikhi