Ddurt-agi, awal deg wexxam-nneɣ ḥala ɣef sonatrach. Ula d izegzawen-nni yetturaren yettazalen deffir n tciret uḍar di l’Angola qrib iten-ttun. Di tazwara, sonatrach-agi ɣileɣ-tt d albaɛḍ n yibibiḍen neɣ n tbibicin i inecfen dayen kan. Ala, sonatrach, ɣas tencef, mačči d abibiḍ am nek neɣ am Nuja-nni mlaleɣ, ddurt iɛeddan, di polyclinique, neɣ daɣen am Lina (tagi d yiwet n bannagt qrib ad tt-mlileɣ: sneɣ-tt di tirga). Sonatrach am akken ara d-tiniḍ d tafunast i seg ɛacen iɛeggalen n twacult. D acu, sonatrach ur tetteẓeg ara ayefk : tetteẓeg pétrole, teznuzuy-it qrib 80 idularen i tbettit, azal n 7OOO idinaren s yidrimen-agi-nneɣ. S yidularen-agi, Bouteflika(d netta i d ameksa en chef n tfunast i yetteẓgen pétrole), yettaɣ-aɣ-d učči, ddwa, ṭṭumubilat, timellalin, tournevis… et bien sûr ayefki i tbibicin d yibibiḍen i d iyi-cban. Akken i fehmeɣ, tafunast-agi i yetteẓigen pétrole nettalas akk deg-s, y compris nukni s yibibiḍen. Safik, ula d nek teṭṭḍeɣ si tfunast n pétrole! Selon toujours baba, Chakib Khelil, win i wumi yefka Bouteflika tafunast ad tt-yeks, i sum akk timaẓẓagin-is. Baba yettmeslay-d ɣef sonatrtach, yal tikkelt ara yi-fak uyefki d-yettaɣ ɣer ufarmasyan, neɣ daɣen mara as-tini yemma: “aɣ-d aya d waya !”.
Aḥeq tibibicin i sneɣ d tid i mazal walaɣ a les adultes-agi qqersen kumplikin !! Sbeḥ meddi d imeṭṭi, alors qu’il suffit ad bedlen ameksa neɣ ad ksen sonatrach s nnuba.
T.Ould amar
t.ouldamar@yahoo.fr
*Teffeɣ-d yakan di yennayer 2010