I lmend n yennayer 2961, amusu MAK ihegga-d yiwet n tikli di temdint n Tizi Wezzu. Tikli-agi tebda-d si tesdawit Hasnawa γef lεacra d uzgen armi d talemmast n temdint ‘’Rond-point’’ anda i d-wwin imḍebbren awal γef liḥala n tmurt d wahil n umusu nsen. Tikli tεedda di teswiεt yelhan, imdanen lḥan di talwit xas ulamma ur d-usin ara s waṭas am tikal iεeddan. Ma d asuter i d-yettuγal kan di taγuct n wid ileḥhun d timanit i tmurt n yiqbayliyen. ‘’mačči d Lezzayer i nebγa ad nefreq, tamuγli nneγ d ta : tamurt n leqbayel d axxam daxel n taddart i wumi qqaren Lezzayer’’ i aγ-d-yenna yiwen yimḍebber.
Hocine. M