Imezdaγ n taddart n Wizgan ttidiren yiwen wugur meqqren nezzah, deg acḥal n wagguren-agi. Ugur-agi d win n yibardan, imi takebbanit n lgaz tγez ibardan, terwi-ten tunef-asen akken. Ma yella teγli-d tiqit n lehwa, yekkar walluḍ di lqaεa, ulac win izemren a d-yelḥu wama tumubilat fiḥel awal fell-asent. Iberdan merra yettawin neγ yessufuγen xeṣren, ulac win iṣelḥen.
Ula d abrid amenzawi (principal) n ṭumubilat icuden ger Tḥemmalt d tγiwant n Wizgan yuγal d iγzar. Akken kan ar ay-reqqaε webrid a d-tas tkebbanit niḍen a d-tγez, tagi d takebbanit n wamman n tγiwant n Wizgan (ADE). Muḥal texdem lxedma zeddigen, muḥal texdem lxedma tffuk-itt, tezga teqqaz, tettağğa ixemjan brarḥen, muḥal rran aγbel i yemγaren d warrac imecṭaḥ γef yγelluy. Ihi imezdaγ n taddart n Wizgan sḥasfen aṭas i waya, syen gren tiγri i yemḍebren n tkebbaniyin-agi, Lgaz d Wamman akken a d-ṣegmen lxedma-nsen, syen a d-ṣegmen ibardan.
Islam Bessaci
Illula Umalu
Reffu n yimezdaγ
Imezdaγ n tadart n Bubhir, taγiwant n Yillula umalu, dayra n Wizgan begnen-d lγiḍ-nsen ass n 17 yennayer n ddurt-agi yezrin s wagzam n yibardan. Tamentilt n wugur-agi, d-tugin i yugin asenfar n wuẓu n yiwen uḍummu ( centre d’enfouissement technique CET) γer yiri n tadart-nsen i lfayda n krad(3) n tγiwanin, At-Yaḥya, Illula Umalu d Ṣwamaε.
Yuγ lḥal, imezdaγ n Bubhir gren tiγri i yemḍebren i tennul temsalt, am uselway n tγiwant n Yillula Umalu, aselway n Dayra n Wizgan, anemhal n twenaḍt n twilayat n Tizi-Wezzu i tuksa n usenfar-agi deg weḍiq-agi i yellan tamḍiq n tfellaḥt. Rnu γef waya, aṭas n lemḍara swayes ara d-yeglu i tezmert n yemdanen akk d-tfellaḥt, dγa wwin-d yiwen n ttbut n tusnawit n lemḍara-agi amedya (« lixiviation (“jus de poubelle”) et du biogaz (méthane). Ussan-d yemḍebren-agi acḥal d tikkelt, maca ugur muḥal yefra. Tikkel-agi taneggarut, atan imḍebren fkan awal i tuksa n usenfar-agi s wudem unṣib.
Islam Bessaci