Yeḥkem craε n tmurt n Libya s 5 yiseggasen n lḥebs γef ucennay Abdullah Ashini. Ha-t-an yebda aneḥbus γef lmakla usan-agi di lḥebs. Γef wakken i d-yeffeγ lexbar, nnan-d ḥekkmen fell-as s lḥebs axater ittekki di tfaska n ccna amaziγ di Las Palmas di tegzirin teknariyin. Ugin ula d asekles n tezlatin-is imi yettγenni s tmeslayt-nniḍen mačči s taεrabt.
I usmekti, kra n wussan kan γef temsalt-a, ṭṭfen yiγallen n laman n Libya sin yimeγnasen n tmaziγt γer lḥebs, wigi d atmaten Madghis d Mazigh Buzakhar.
Aṭas n tdukliwin n yizerfan n umdan i d-yewwten di leḥkum n Libya taggara-a.
Hocine. M