Axxam n tɣiwant n Tizi Netlata d win yellan deg yir taswiɛt, iberdan d wid yenṭarren s waṭas almi uɣalen amzun d iɣezran. Aya s zyada n truẓi n yiqudas n waman i inejren tiregwa di tlemmast n yiberdan, almi uɣalen neggin si yal tama.
Aluḍ d win i d-irennun lhem-is i yimdanen, yal mi ara d-teɣli lehwa tteɛwaqen medden anda ara lḥun.
Ma d tafat n yiberdan, ala abrid ameqran yettawin ɣer uxxam n tɣiwant i tt- ikesben. Yir taswiɛt-a d tin yeǧǧan imezdaɣ ad d-beggnen lɣiḍ nsen, imi Tizi Netla tezga teɣreq deg waluḍ di ccetwa, teɣma seg uɣebbar deg unebdu.
Zdat liḥala yecban ta, imezdaɣ gren tiɣri i yimḍebren n twilayt n Tizi Wezzu iwakken ad d-ssefsin kra n tedrimt iwulmen i uqeɛɛed n liḥala deg temnaḍt-agi.
D.Imgaline