Mbeɛd Baden Baden, yuɣal-d Zayen s Barcelona, asidi-ines ajdid ara d-iffɣen deg wass win sin di yebrir ara ylalen, di tmurt n Fṛansa, di tazwara n magu di tmurt n lezzayer. Barcelona deg-i ara tafem Nusa-d i yecna ak d Kumkun yemlal di lpari, yecna-tt dɣa ilindi di tizi wezzu. Am akken seǧǧlen kra n tezlatin ara d-iffɣen di tefsut-agi. Di Barcelona zayen yessemlal-d ddeqs les musiciens : tajapunit ar la batterie, taṛumanit ar tjewwaqt, Rabah TICILYA ar wepyanu d la basse. Ddeqs les instruments ijdiden i d-issekcem ar tezlatin-ines, tikelt-agi: Accordéon,lɛud, amundul, artg.
Di Barcelona ad tafem : ttnadiɣ ɣef wul-im i wumi iɛawed ccna ak d Kumkum, yuɣ lḥal yecna-tt yakan di 1994 ak d Norah Meziache. Ad tafem 14 n tuɣac ara d-yeffɣen di tmurt n Lezzayer, 13 di tmurt n Fṛansa. Ad tafem Barcelona d taqsiṭ n yelmezyen irewlen si tmurt n Lezzayer, ḥerraga, ufan-d iman-nnsen di temdint n Barcelona, gar-asen, yella yiwen n ilemẓi ur yessaweḍ ara ad icerreg lebḥer dɣa yuɣal-dɣer tmurt. Yuɣ lḥal zik, asmi yella di taddart yerɣa ɣef Barcelona, asmi d-iḥder ad yeǧǧ tamurt-is, yemlal-d yiwet n teqcict yewwin leɛqel-is, dɣa yellez, seg wass-nni ur d-yudir Barcelona.
Barcelona, yecna ɣef lemsella, taddart-is deg yillulen n umalu. Rǧuyi d ccna n tayri, d tizlit nniḍen ara tafem deg usidi-ines ajdid.
Am akken yettheggi daɣen yiwen le clip ara d-iffɣen ɣef lehna d talwit di ddunnit meṛṛa “susṭa, susṭa”. Ad iɛeddi di tilibizyuwat ama di tmurt-nneɣ ama di tmura n medden.
Dɣa yecna di Barcelona:
Barcelona tcebḥeḍ maci d kra
Barcelona, tewwiḍ-aɣ leɛqel meṛṛa
Barcelona, di lbabuṛ deg-i i d-nusa
Barcelona
Di tmurt-nneɣ ilemẓi yettraju kan tarewla
Amer ad t-ǧǧen ad d-iɛeddi
Ad kem-id-yaweḍ s uzekka.
Ad d-iṛuḥ adiwali d acu I d tamurt n tirga.
Ad d-iṛuḥ ad inadi ɣef ljennet anida tella.
Zayen, di 1994 iseǧǧel imawlan-is syin yuɣal iseǧǧel tasfift tis snat di lezzayer uɣal-d.Di 1999 iṛuḥ ɣer tmurt n fṛansa, iseǧǧel tasfift Baden Baden. Yewwi-damecwaṛ n ɛecresnin di Fṛansa. Ddeqs n tamiwin n tmurt n Fṛansa deg-i yecna, is akken yecna ula di tmura n medden. Dɣa imi ara d-iffeɣ usidi-yagi Barcelona, aṭas ntamiwin deg-I tzemrem ad t-id-temlalem:
larbɛa 27 yebrir 2011 ɣef 20h di St Brice sous forêt,
Ssebt 30 yebrir di bruxelles (Centre culturel n « De Pianofabriek » di Bruxelles)
Llǧemɛa, 06 magu ɣef 20h di Poissy,
Ssebt 07 magu 2011 ɣef 20H di Paris,
Centre culturel Algérien.
ma yella ass n lḥed
22 magu 2011 ad yecnu ɣef 15h n tmeddit di Montreuil
Zira