Deg ussan iεeddan, yella-d uneḥbus γef lxedma di yal aḥric di temdint n Tigzirt, ula d tiḥuna akken ma llant γelqent. Imezdaγ-a bγan ad d-sbegnen lγiḍ-nnsen d wuguren i d-ttmagaren di tudert n yal ass. Γef wanect-a dγa i d-ssufγen yiwen wulγu anda i d-bedren ugar n 20 n wuguren. Di tazwara, ḍelben yimḍebbren n temdint n Tigzirt ad mlilen d wid yettmetilen imezda&gamma,; meεna wigi ugin u nnan-asen ad d-temmeslayem i lγaci di berra, ad d-tarrem srid γef yal ugur. Ihi, teḍra-d temlilit daxel n ufrag n Dayra. Awal idum azal n 5 sswayeε. Gar wayen i ssuturen imezdaγ n Tigzirt nezmer ad d-nader : aftaḥ n ubrid yettawin γer Delles i iγelqen 20 yiseggasen-aya, lexsas n waman, lbiε n wakal, afraq n tnezduγin s tjeεεal, asufeγ n waman yumsen d waṭas n yisenfaren iwumi sεerqen lğerra… « Ayen ur d-bdiren ara, d ayen akken yewwi yiwen lkumisir di lpur… » i aγ-d-yenna yiwen mi tefra temlilit.
Hocine. M