Mazal taluft n temgeḥlin i tejmeɛ ddula deg tazwara n yiseggasen n 90 tettenfufud. Yal tikkelt, imawlan n yimrigen-a ttuɣun iwakken ad d-rren ayen akken i asen-yettwakksen. Segmi i tebda ddunit, qqaren-d d akken Aqbayli yettḥarab ɣef tlata temsal, ur yettak deg-sent afus : Tameṭṭut, tamurt d tmegḥelt. D ayen i yeooan ass-a imezdaɣ n M’chedallah ssuturen tiririt n leslaḥ nsen. Nezmer ad d-nini d aéar-nni n tjaddit i yembawlen.
Maççi d tikkelt tamezwarut i d-kkren yimdanen-a ɣer cɣel-a, imi zgan ssawalen i kra akk n wid i tḥuza temsalt-a iwakken ad sdukklen iɣallen nsen, ahat ad ssiwḍen ɣer lebɣi nsen. Deg wussan yezrin, heggan-d yiwen n ugraw sdat n Ddayra n M’chedallah, anda mmeslayen akked yimḍebber-is. Ooan-as kra n wakud, uɣalen-d tikkelt-a iwakken ad éren anda tessaweḍ temsalt. Ɣef leḥsab n wakken i nesla, taluft tezzi tenneḍ, neɣ ahat anda akken i tufeg i ters. Wid yettmeslayen s yisem n wigi yessuturen timgeḥlin nsen, gguman ad fehmen acimi tugi ad tbeddel liḥala fell-asen. Acku, imḍebber i mmugren deg tazwara ur asen-d-yewwi ara kra n tifrat seg wid yessedduyen tilufa yecban tigi. £as akken uɣalen ɣer yixxamen nsen s yifassen d ilmawen, maca ul yeççur d tabɣest d usirem d akken amennuɣ ad ikemmel alamma ssawḍen ɣer yiswi nsen.
Sylia. M