Aγmis n yimaziγen : anwa-t Zidani Younes ?
Zidani Younes : d anelmad, qqareγ sciences politiques di tesdawit Mulud Mεemmri n Tizi Wezzu. Ttekkiγ di tfaska n usaru amaziγ i d-yeḍran di temdint n Uzeffun s usaru iwumi semmaγ ‘’Tasarut n Tudert’’. Asaru-a iḥekku-d γef wuguren n tmetti, iγeblan ttεicin yilmeẓyen-nneγ akka tura. Wesfaγ-d deg-s tayemmat, leqraya, tayri d wayen-nniḍen…
Teγriḍ γef sinima, neγ tebdiḍ kan akka ?
Xedmeγ tannant, γriγ γef les cameras. uriγ taqsiṭ syin rriγ-tt d asaru. Aṭas n yimdanen i aγ-iεawnen deg-s. Σawnen-aγ di yal aḥric.
D tikelt tamezwarut i tettekkiḍ, waqila ?
D tikelt tamezwarut i ttekki&gamma,; wwiγ arraz amezwaru « Panorama » arraz ‘’l’olivier d’or’’ ur yettunefk ara. Nessaram ad nili di tfaskiwin i d-iteddun s yisura-nniḍen.
Acu-ten wuguren i yettilin deg uḥric-agi n sinima ?
Uguren i d-mmugre&gamma,; d tamsalt n yidrimen. Tamsalt-a tewεer mliḥ mliḥ. Asaru nexdem-it ugar n 2 yimelyunen n dinar. Cwikan llant tγiwanin i aγ-iεawnen am tγiwant n Uzeffun, n Uγrib, n Iflisen d wiyaḍ…
D acu n lexsas yellan di tfaska n useggas-a ?
Tafaska n useggas-a ixus-itt ciṭ n useqεed d uheggi. Xessunt diγ tzeγwin n sinima deg Uzeffun.
Asirem-ik
Nessaram wigi yeṭṭfen idles ad d-rren ddehn-nnsen γer yilmezyen.
Hocine. M