Sem akked Sed, 08 d 09 Ibrir 2011, d sin wussan n unemlal (séminaire) iḍran di Tzeqqa tagtaddalt ‘‘Meɛtub Lwennas’’ n taddart n Tqerbust iɣer d-mlalen yimazzagen n taɣulin imgaraden d wat timanit (autonomistes) i d-yusan si tamiwin n tmurt akked tmura tibeṛṛaniyin… anda kkin di leqdic illan s uzwel, ‘‘Askasi ɣef Tmurt n Yiqbayliyen’’ (Kabylie en débats).
Tigi, d tidmiwin i d-fkan kra n yimekkiyen ɣef unemlal-agi akked wayen s izmer ad d-iglu.
Ṣufyan ƐEǦLAN
“Ayen i nettwali yakan bac tewweḍ-d temlilit-agi, acḥal n yiseggasen aya mi nettazzal fell-as, armi d ass-a i d-iḥḍer wass-is armi i d-neslal Forum-Kabylie seg waggur-nni n Ɣuct, dɣa nuzzel. Ass-agi iḥḍer-d, nexdem-itt di taddart n Tqerbust, a-ten-in tanemmirt-nsen mliḥ-mliḥ, u ayen nessaram timliliyin am tagi ulac-itent, urǧin teḍra-d di Tmurt n Leqbayel, d tamezwarut illa-d wayen ilhan, ad d-ilint akka d tasawent aṭas n temliliyin am tagi, axaṭer nenna-t-id yakan deg tnubgiwin i nexdem i unemlal-agi ; awal i t-iferrun d awal, yeɛni askasi ilaq gar-aneɣ akken Leqbayel ad hedren ad msefhamen ; bac ad d-naf tifrat, sakkin ad nelḥu ɣer sdat, acu timliliyin am tigi ilaq ad ṭuqqtent, a wi(n) yufan a Ṛebbi nekni s timmad nneɣ Forum-Kabylie ma nufa, – ad nexdem akken nufa, axaṭer adabu ur aɣ ittaǧǧa ara ad nexdem ittqaraɛ-aɣ, nrewwel kan ɣer tudrin, nxeddem kan di tudrin axaṭer ur zmiren ara ad kecmen ad rẓen lḥerma n taddart, ihi – nezmer ad neskasi yal aggur, nezmer ad nessihel (programmer) anemlal amecṭuḥ neɣ asarag ɣef yal asentel, amedya tagnit n wass-a, amedya ad t-nexdem ɣef tdamsa di tmurt nneɣ – La Kabylie -ɣef tfellaḥt n udrar atg. Akken ad nesnefli akk isental-a, u, imdanen ad fehmen d acu i d timanit n tmurt n Leqbayel. Nessaram yiwwas ad d-ddun akkit !”
Muḥemmed MEẒYANI (Membre du Conseil Fédéral du CMA)
“Di tazwara ad nerr tajmilt i taddart n Tqerbust i d-isuddsen anemlal-agi, daɣen akk i yilemẓiyen ifkan leɛtab i yiman nsen d lǧehd ameqran armi iɛedda deg tegnatin igerrzen. Iskasiyen d imerkantiyen s wazal nsen, dmiɣ d aqeddim igerrzen iwulmen ad ikemmel, axaṭer mazal asqerdec n temsal n Tmurt n Leqbayel, iskasiyen wessiɛit nezzeh, s wazal-nsen, u mazal ilaq ad neddem isental ilaqen ad ten-nesqerdec akka ɣer sdat ama deg uḥric adelsan, adamsan akked usertan”
BELQASEM Lwennas (Aselway n Ugraw Amaḍlan Amaziɣ)
“Timlilit n wass-agi di Tqerbust, d ayen ilhan aṭas, imi tessemlal-d Leqbayel i wakken ad d-mmeslayen ɣef tɣasiwin i ten-iceɣben, tiɣawsiwin nsen, ad mmeslayen ɣef wass-a, ad mmeslayen ɣef umezruy nsen, ad mmeslayen ɣef wacu i zemren ad t-xedmen i uzekka, azekka n Tmurt n Leqbayel, akken i t-walaɣ nekkini, akken i nessawel akken nemmeslay deg temlilit n wass-a, awal iwwi-d ɣef uḍebber n Wat Iqbayliyen ilaq ad d-yuɣal ɣer ufus nsen, ilaq ad ḍebbren tiɣawsiwin i ten-iɛnan deg tudrin nsen, deg tmurt nsen – Tamurt n Leqbayel – d annect-agi ara ɣ-isuffɣen ɣer sdat, ara ɣ-isuffɣen ɣer tafat imi xemsin n yiseggasen ayagi ɣer deffir neǧǧa ddula n Lezzayer ad texdem ; nuɣal ɣer deffir, annect-agi ur nezmir ara ad nkemmel akkagi, ilaq ad nbeddel abrid, ilaq d abrid-agi n tririt n ufus n uḍebber n ṛṛay ara d-yuɣalen ɣer ufus-nneɣ, u d annect-agi ara ɣ-isuffɣen”
Ḥemmu BUMEDYEN (Ameɣnas n Timanit n Tmurt n Leqbayel).
“Ass-agi nemlal-d, ssawlen-aɣ-d watmaten-nneɣ ‘‘Le Forum de Kabylie’’ pour La Kabylie en débats, nekkini d yiwen umeɣnas i ixemmen ɣef temsal-agi n timanit, ass-agi usiɣ-d s yiwet tmuɣli anda i d-nniɣ belli ayen icudden ɣef wayen Leqbayel d Leqbayel, ma nwala amezruy, aṭas i ten-id-iḥuzan, ayagi i ten-id-iḥuzan ama d ayen ilhan neɣ d ayen n dir, ikcem deg wallaɣen n yimdanen, wa ittaǧǧa-tt-id i wagi armi ass-agi nezmer ad d-nini : Leqbayel sɛan yiwet tmuɣli, akken i sɛan amezruy i yiman nsen, i sɛan yiwet tmuɣli amek ara sukksen iman nsen deg yiɣilifen ttidiren di tmeddurt nsen. Ihi timlilit-agi, d timlilit n Leqbayel ɣef Tmurt n Leqbayel, lameɛna nekk amek i t-id-nniɣ ; Tamurt n Leqbayel, d tamnaḍt di Tmurt n Lezzayer, ayen i yaɣ-iceɣben d iɣeblan n Tmurt n Leqbayel, ameɛna nekni ilaq ad nger tiɣri ɣef wayen ila iḍerrun ama di Tmurt n Lezzyer ama di tmura n medden-niḍen, axaṭer ayen iḍerrun di Lezzayer ad aɣ-d-iḥaz, ayen iḍerrun di dunnit di beṛṛa ad aɣ-d-iḥaz. Tamurt n Leqbayel, ur tezmir ara ad tili iman-is di 2011 neɣ 2012 neɣ deg yimal, ad d-tger iman-is weḥd-s ad teɛzel, timanit-agi, d aseggem ara tseggem iman-is i wakken ad tenfeɛ iman-is, u ad tenfeɛ wiyaḍ”
Dda Meqran
“Nek, Aserfuc Meqran natif de Tigzirt, mazal ttidireɣ à Paris, je ne cache pas, d ameɣnas n MAK usiɣ-d en tant qu’invité : Le Forum-agini c’est quelque chose d’extra, je te jure, l’organisation du village n Tqerbust ad asen-ibarek Ṛebbi, ulac d acu ara d-nernu, surtout l’accueil. Nekni ɣer-neɣ mačči d lmakla ; ɣer-neɣ mi ara testerḥbeḍ s yiwen, ɛṭi-ten ṣaḥḥa ! Ma ɣef wayen iḍerrun actuellement pour le Forum, je trouve que c’est formidable, yal yiwen inna-d ayen ittxemmim, ifka-d iseqsiyen i yas-illan deg wul. Je ne veux pas te retenir longtemps ; tout ce que je dis pour l’Amazighité ncallah, Le Kabyle en général, ssarameɣ yiggas on vas avoir un bon souhait ; au moins ad nemsefham, et que tout le monde, là où tu es, la casquette que tu porte, mais il y’a des règles à ne pas dépasser, ilaq ad nḥareb aggad ibɣan ad kksen fell-aɣ lḥerma, nniɣ-ak nekkini je ne suis pas un orateur, ma d ul-iw ay aḥbib ! je suis un vrai Amaziɣ,je suis un vrai Kabyle, j’aime lḥerma, sɛiɣ nnif, u, ncallah-ncallah, ad d-naf abrid-is, ad d-nernu tigi i yaɣ-d-ǧǧan lejdud-nneɣ, par-ce-que ayen ilhan neṭṭeggir-it, nettawi-d ayen ur nemɛin. Nniɣ-ak, j’ai beaucoup de chose à dire, mais je crois qu’il vaut mieux s’arrêter là. Tous mes souhaits, que nos élites ; que ce-soit FFS, que ce-soit RCD, que ce-soit MAK, que ce-soit organisations des villageois et tout ça, ad nesɛu ɣef wara ndafeɛ akken ma nella, ad nemsefham”.
H.Ah