Teṣwira-a, tettemmeγ trennu di Internet. D udem-nniḍen n lgirra. D aεessekri i d-yefken udem n ubabat, udem, dγa, n umdan…Tadyant teḍra di Afγanistan. Anect qerriḥet teswiεt i ḥninet. Tawacult n teqcict ina yellan di teswira, nγan-tt ‘’yimṭurfa-nni’’ n tmurt n Afγanistan, ula d taqcict-a bγan ad tt-nγen. Wwten-tt s terṣast s aqerru. Cwi kan ur temmut ara meεna ur tḥebbes ara seg yimeṭṭi d ucetki. Nnan-d ala John (i yellan di teswira-agi) i tt-yessedhuyen. Ihi, yesεedda 4 wuḍan yid-s, ittaṭṭaf-itt gar yifassen-is, gganen di sin s ufella n ukersi. Akka tura, γef wakken d-nnan, tufa ciṭ iman-is.
I lukan lεesker akk ad uγalen am ‘’John’’ ?
Hocine. M