Ma yella zik tamurt n Leqbayel teγraq di texnannasin, tikkarḍiwin, lexda&epsilon,; tijεal, tamḥaqranit, tura tewweḍ γer wayen yugaren aya, tewweḍ γer lmuḥal, tεedda tilas, tffel i tizi n laεjeb. Tenulfa-d takkerḍa n yemdanen, imesḥaf-agi ttqasaden imdanen imarkantiyen, wid yesεan cci, neγ ttqasaden darya-nsen. Win weεεan seg-sen muḥal a d-tezeglen. Acḥal n tedyanin am tigi i d-yeḍran i temnaḍin n Tizi-Wezzu u mazal ḍerrunt-d ar ass-a! Alaa surgen acḥal d adrim imawlan n taγtest(victime) ara d-yilli userreḥ-is.
Ddurt-agi kan yezrin ḍrant 3 n tekkarḍiwin n yemdanen deg temnaḍin yemgaraden n tama n Tizi-Wezzu. Taxazabit tamenzut d takkarḍa n Mourad Bilek, yiwen ilemẓi n 18 n yiseggasen n temnaḍt n At-Dwala. Ma yella d wis ssin d takkerḍa n Σemmi Lḥağ Σli, amγar n 71 iseggasen n temnaḍt n Umecras, yekseb yiwen n luzin n rxam (Usine de Marbre). Imezdaγ n snat n temnaḍin-agi ffγen s waṭas i unadi n yemdanen-agi i yettwakkren, u suturen seg-wid i ten-yewwin akken a sen-id-serḥen s lεejlan, yerna a d-uγalen s tezmert-nsen war lemcawrat akk d war tatilt.
Ma yella d tawaγit yesḥisifen aṭṭas i d-yeḍran ddurt-agi yezrin daγen i tama n Cεayeb tamnaḍt n Meqla&epsilon,; d takkarḍa n yiwet n teqcict yesεan azal n 16 n yiseggasen di leεmer-is tagi d Akila Nait Idir, nudan fell-as si yal amḍiq, ur jjin axğiḍ maca lmektub ijarred akken niḍen, uffan-tt tmaγbunt temzel, gezren-tt, uzzan-tt d tiqeṭṭiḍin, nγan-tt s leγdar, s yidamen ṣemḍen.
Anda i t-teddu tmurt n Leqbayel?…..
Islam Bessaci