Lecɣal n uɛiwed i 16 n lbusṭat d wid yebdan deg tamiwin yemxallafen n twilayt n Tizi Wezzu. Tigi d tid i iwumi uɣalent tewwura s ssebba n lexṣara I ddrent s ufus n rrebrab. Ɣef leḥsab n yisallen i nesɛa, lecɣal d wid iteddun akken iwata deg 6 n lbusṭat, am wakken i yetturaǧu ad bdun wiyaḍ deg 10 nniḍen gar-aneɣ d kra n wussan. Ad d-nesmekti d akken tawilayt n Tizi Wezzu d tin i yesseftin deg uḥric-a n lbusṭat s wakka ad naf 163 n lebustat deg tamiwin yemxallafen s leḥsab n yiwet n lebusṭa i 7030 n yimezdaɣ deg lawan anda yewweḍ leḥsab ɣer yiwet n lbusṭa i 10500 n yimezdaɣ deg twilayin nniḍen.
D.I