Aẓru n thur, yezga-d deg taddart n Wat Ʃadella deg tɣiwant n yililten n yiferḥunen i ibeɛden s 75 km ɣef temdint n Tizi Uzzu. Isem-agi, yebḍa ɣef sin : azru d yiwet n tnicca tameqqrant ; thur lawan n tẓallit.
Ḥekkun-d Wat zik belli yella yiwen yeẓẓul dinna lawan n ṭhur deg tezrut-agi, yemmut dinna mi yella ideɛɛu. Seg wass-nni, tuɣal d tasirit d lɛada , ttẓuren-t-id yimdanen i d-yettasen seg yal tama. Yezga-d Uẓru n Thur deg tewrirt (taqacuct) n udrar n Ǧerğer ɛlayen s 1884. D adeg icebḥen nezzeh deg udrar ,yettwasnen. Aẓru n thur ,am yal aseggas lawan n ɣuct, ttẓuren-t-id , am wakken qqaren ilaq kraḍ n tikkal deg waggur –agi n ɣuct. Yal ass n sem (lǧemɛa), lɣaci ttasen-d s waṭas imi deg-s d aḥewes d tukksa n lxiq. Deg udrar n Ǧerğer icebḥen s ugama–ines , abehri azedgan, deg-s ttemlilin leḥbab , deg-s d asmeki n lɛada –agi i d-ğğan lejdud,imi llan yimuḍan yeḥlan imi i d-ttasen ɣer din , tessen aman iẓidanen yellan dinna. Ttasen-d yal aseggas ɣur-s s waṭas yiminigen imi d ussan n yimuras ttfarasen tafulki n udrar n Ǧerǧer .Ula d At taddart–agi n Wat Ʃadella, qqaren i wid yebɣan ad d-rzun ɣer Uzru n Ṭhur ansuf yis-wen, Deg umkan-agi zik i llant temɣarin xetbent-d i warraw-nsent, llant, daɣen, tid yettdekkiren isem n Rebbi dinna, cennunt sliliwent, ferḥent. D tagi i d yiwet n lɛada ideg ṭṭfen yimaziɣen, imi timetti taqbaylit d tanesbaɣurt s wansayen-is.
Zakia Ben yahia