Segmi yebda waggur n remḍan, leswaq ɛemren s tmettarin. Ɣas akken tineggura-a, nennum nettwali-tent deg yiberdan, tikwal ula deg leswaq, maca, ayen i d-ijebden lwelha nneɣ d amḍan nsent yennernan s waṭas.
Acḥal gar-asent i yettwasnen yakan, si zman akka i ttidirent. Maca, tura yal ass ttbanent-d tmaynutin. Ɣef wakken i nwala, leɛmer n tmattarin-a ur yettɛeddi ara nnig n 25 n yiseggasen, d tilmeẓyin ! Dɣa d taluft i iweɛren mačči d kra, acku ma s tidet dɣa akka i d liḥala nsent, ur yebɛid ara fell-asent yir ubrid. Yiwet si gar tigi, nettwali-tt yal ass, yernu s tadist ! Ayadra, wid i terza temsalt ma gren tamawt i waya ?
S. M