Nuja ideflawen(Schneewittchen/Blache-Neige) d yiwet ger tmucuha n watmaten Grimm d-yesmuḥyet Sεid At Mεemmer si tlalmanit. Ukkuẓ(4) gar-asent tmucuha-yagi, asefru yakkd tezlit i warrac, la ten-tkelles tnaẓurt Tatie Tamcumt, a d-yeffeγ usidi-nsen(t) di taggara unebdu-yagi n 2011.
… « Almi d tagnit n tura, d kemm i yellan akk d taḥuskant ger tilawin. Ffeẓ tura iles-im imi tebγiḍ akka, teṛwuḍ ccbaḥa! » i d as-tenna temγart, tessemneε sakin iḍarren-is s tazzla, tuγal s axxam.
Zzher n Nuja ideflawen meqqer, acku imiren kan i d-bernen yeymuyuden s axxam.
Akken ṭṭṛeḍqent wallen fell-as, amzun yeffeγ-iten leεqel akken ma llan, si lfeqεa.
Tban-as-d am wakken ters-as i tmettant deg irebbi-s, segmi teẓẓel kan, ur tettemḥiḥid ara yakk.
Akken gren tamawt i tesfifit-nni iẓemḍen taεebbuṭ n teqcict, refden-tt id, fsin-
as-d din din tuqqna-nni, yuγal yebda nnefs yettali yettṣubbu deg-s, dγa lhan-d yid-s akken yessefk, wwin-as-tt-id kan ddac ddac, almi tt-id-yuγal rruḥ akken iwata.
Ğğan-as Yeymuyuden i teqcict tessawel-asen-d akk d acu yeḍran, akken tessuli ameslay, nnan-as:
« Tameṭṭut-agi lεali d-yerzan fell-am ass-a, ur tezmir ara yakk ad tili d tayeḍ, sennig ddeεwessu-nni n tgellidt ur nettagad la Rebbi, wala Σemmar Buzwar ».
Ḥader iman-im a taqerruyt n lhemm, sel-d d acu d am-neqqar, ur ttağğa ara ula d izi a d-yekcem, ma ulac-aγ dagi nekni! »
Akken tewweḍ ssafaga-nni n yir meṭṭu γer lberğ-is, teεna lemri, testeqsa-t:
yettkemmil…