… Pendant que nettegliliz deg le tapis d’éveil, yeslalew umubil n Bouteflika. Imuqel l’afficheur, yerra-t s ameẓẓuɣ-is :
– Allo ! D acu tebɣiḍ ?
– Amek, tura keč, ur d-tettnejmaɛeḍ ara s axxam ?
– Acḥal n lesnin i wweteɣ deg l’avion jami testeqsaḍ-d fell-i !
– I lɛid tettuḍ-t ?
– Milmi ɛni i d lɛid ?
– Azekka neɣ seld azekka !
– Ihuh … !”
Netta akken yettemslay d temɣart-is, yeslalew umubil-iw :
– Allo ! Wakka, d yemma ?
– Ih, d yemma-k a bu… ! Ɛni iɛejbikun lḥal di Lmuradiya, yesserwaya-wen Bouteflika tiẓidanin… Waqila tenzam !
– D acu-ten leḥḍur-agi a yemma ! tezriḍ belli lɛib-agi ur d-yettnulfu
– Akka i d-innan widak akk i nceyyeɛ ɣer Lmuradiya, di taggara qimen-n din !
Nek akken ttmeslayeɣ d yemma, slalwen deg yiwet n tikkelt imubulen n Muṭṭiḍ, Lina, Aksil, Mecṭiṭuḥ d win n ubibiḍ n Tqerbuzt. Becrurenq-d wallen n Muṭṭiḍ d imeṭṭawen mi ifuk awal netta d yemma-s. Tidet kan, akken nella, nesmar imeṭṭi. mi tɛedda dqiqa-nni n ccuq, yesawlaɣ-d Bouteflika ɣer le tapis d’éveil: “ Azekka neɣseld azekka d lɛid. Ḥsiɣ belli tejmem, ladɣa imi d laɛwacer, imawlan nnwen. Ula d nek jmeɣ tamɣart-iw. Sɛaddaɣ yid-wen les meilleurs moments de ma vie. Ad awen efkeɣ ttiɛad, mara iɛeddi lɛid. Ad awen-ceyyeɛeɣ icufuren ara kun-id-yawin.
Ce n’est qu’un au revoir mes frères, ce n’est qu’un…” Becrurenq-d ula d netta wallen-is d imeṭṭi, yezzi s waɛrur, yeffeɣ s tɣawla.
T.Ouldamar