Nuja ideflawen(Schneewittchen/Blache-Neige) d yiwet ger tmucuha n watmaten Grimm d-yesmuḥyet Sεid At Mεemmer si tlalmanit. Ukkuẓ(4) gar-asent tmucuha-yagi, asefru yakkd tezlit i warrac, la ten-tkelles tnaẓurt Tatie Tamcumt, a d-yeffeγ usidi-nsen(t) di taggara unebdu-yagi n 2011.
Yal wa yessaγ tacemmaεt-is igan annect n tleṭṭaṭ ufus zdat-s.
Akken uγen-t di sa(7) yid-sent, tecceεceε tafat di tḥaret-nsen, εeqlen din din yella win neγ tella tin d-ikecmen s axxam, acku gren tamawt, mačči akken ğğan ijeqduren i ten-id-ufan.
Amezwaru:
Anwa i yeqqimen γef tkursit-iw?
Wis-sin:
Anwa i yeččan si tḍebsit-iw?
Wis-kraḍ:
Anwa i yebbin talqimt si tpappact-iw?
Wis-ukkuẓ:
Anwa i yeččan kra si texsyat-iw?
Wis-semmus:
Anwa i yeččan s tγenjawt-iw?
Wis-sḍis:
Anwa i igezmen s lmuss-iw?
Wis-sa:
Anwa i yeswan si tfenğalt-iw?
Sakin yessaked Ymuyud amezwaru tameṭṛeḥt-is, iwala llidra-nni yerrsen fell-as tekmec acemma.
Yesteqsa s tuzzma:
Anwa i ikecmen s usu-w?
Wiyaḍ ḍeffren-t akk s tazzla, yal wa deg-sen yenna:
Ula d usu-w yella win t-ikecmen.
Maca, wis-sa, akken iḍegger tiṭ-is γef tmeṭṛeḥt-is, iwala Nuja ideflawen teẓẓel deg-s.Yessawel-asen akk, wwḍen-t-id s tazzla. Ihuhhhhh!!! Suγen akk seg wewham.
Yettkemmil…