Muḥend yettarun d tewkilin-is(1)

Partager

Γas ulamma yennerna uεewwiq deg uqeṛṛu n Muḥend am tsirit-is yakan, maca tikelt-a yeqsed-d ad yaru .Yufa-d d ayen ilaqen fell-as ad t-yexdem, acku tira tella deg yidammen-is, γas yeẓṛa agdud-is mačči d win i yessebγasen at Tira. Nutni seg zik-nsen tthummun kan, yal yiwen deg acu i yelletha, teddun kan ur ẓṛin s anida, armi i d-gran ass-a d iceqfan wa ur yemεaba d wa. Ladγa d taneggarut-a i yesεewqen aṭas Muḥend imi tifrat-is d ayen iweεṛen. Yenna-yas yiwet n tikelt : “ Limer ahat s lebεaḍ n tutlayin-nniḍen i s ttaru&gamma,; tili wissen tiktiwin-iw ttwaγrant, ttwagzant akken ilaq ! Meεna aya tṛa ma d amyaru i lliγ ma mačči s tutlayt-a n ugdud ? Ur cukkeγ ara, imi ur zmireγ ad arguγ la s tin n usammar la s tin n umalu. Ihi d ayen kan a Muḥ argu kan s tin-ik γas ur ak-tent-ssefruyen ara wid-ik. “

Iḍ-a, iṛeqqeε-d akk imahilen-is γef ṭṭabla : isefra-s, isefra n wiyaḍ , imagraden d yidlisen ladγa wid n tutlayin-nniḍen i ira ad d-yessuqel. Ha kan tekcem-it-id tikti-nniḍen ! Yegger-d ad yaru γas ulamma cwiṭ kan s tfina&gamma,; tira yezga yettqeddis. Yeddem-d amerṣul n uglim i d-iheyya γef ddema akked tedwayt n ssmax n taḍuṭ i yessefsa, yerra aγanim deg ufus-is, yebda tira…

Akken kan yebda tikli deg umezruy n ugdud-is, tefja lqaεa, tuli-d sdaw n tγerγeṛt Dasin yellan d yiwet seg tewkilin-is, ladγa d nettat i iḥemmel s waṭas γef tiyaḍ d-yettasen γur-s yal mi ara iεeddi ad yaru. Ḥaca kan i tt-iwala, yessers aγanim, iεeyyeḍ fell-as : Amek armi d tura ! Teğğiḍ-iyi seg ṣṣbeḥ nekk weḥdi deg uεewwiq, ayγer akka ?

Nettat terra-yas-d : Ala a tayri-w ! Yak teẓṛiḍ nekk lliγ yid-k anda tebγuḍ tiliḍ, ddiγ yid-k s anda tebγuḍ tṛuḥeḍ. D tidet ttcukkuγ di tayri-k imi ur yi-tt-id-tesbegneḍ ara, d ayen iyi-yeğğan ttefreγ fell-ak, maca di leεmeṛ xemmeγ akken ad ak-ğge&gamma,; imi i ak-ḥemmle&gamma,; γas kečč yugi wul-inek ad d-yefsi tisuraz i yes-sent tεekleḍ-t, i wakken ad iyi-d-tiniḍ srid : ḥemmleγ-kem ula d nekk.

Mi as-d-tenna akka, mmecṛurqent-d wallen-is d imeṭṭawen, maca iẓeyyeṛ iman-is akken ur d-yettban ara fell-as. Ma d nettat tleḥḥu-d γur-s cwi cwi, kra d-tleḥḥu netta yettḥeqqiq deg-s. Yettmuqul γer lqed-is yezdin, icuban tazdayt n ttmeṛ, d wallen-is ibeṛṛqen amzun d lefnaṛ. Mi d-tuẓa γur-s, yekker ibedd ula d netta, imuger-itt s tqemmuct.

*D tullist i yura Mokrane Chikhi, tewwi araz amezwaru

di temzizelt n tsekla « Boujie d’or » n useggas 2010

Partager