Ad d-tessuddes tddukkla tadelsant n taddart n Yiɣilt n Teqḍibin n temḍiqt n Iberquɛen, yetabaɛen ɣer tɣiwant n Mɛatqa, i ibeɛden s wazal n 10 n yikulimitren ɣef tlemmast n tɣiwant, ass n sem, 27 seg waggur n duǧember 2019, assečči n Uɣrib deg Taddart n Yiɣil n Teqḍibin. Akken tuɣ tannumi tddukkla-a s leqdicat-is idelsanen, i yesseḥbibiren ɣef yal ansay yesɛan assaɣ d tgemmi n ugdud aqbayli. Dɣa ansay n Ussečči d yiwen unsay aqbur n taddart-agi, yezdin tagmat n yimazdaɣ n taddart d yimezdaɣ n tɣiwant n Mɛatqa. Ɣef wanect-a dɣa, ha-tt-an tenced-d tddukkla tadelsant n Yiɣil n Teqḍibin akk imdanen yebɣan ad d-ruḥen ɣer ussečči n Uɣrib, tinnubga i yal yiwen seg rebɛa n tɣumar n ugezdu n Tizi Uzzu.
Ali Zalouk