Azal n 6 800 n teɣrasin n tzizwa ara dyettwaferqen ɣef yifellaḥen sɣur srabes n tfellaḥt n Tizi-Uzzu i wid yebɣan ad seftin deg trebga n tzizwa. Dayen yettwajarden yakan deg wahil n srabes n tfellaḥt n lwilaya n Tizi-Uzzu n useggas 2019. Dɣa deg ddurt iεeddan i d-tebda tenmhelt s ufraq n teɣrasin n tzizwa i yilmeẓyen i ijerden imanen-sen deg wahil-a. Ad tkemmek tenmehla-agi, deg ussan i d-iteddun, ahil-is alamma tessaweḍ ɣer yiswi-ines. Meḥsub, ad d-fken yakk tiɣrasin i widak i yellan deg wahil-agi n tallelt n srabes n tfellaḥt yettabaεen ɣer tenmehla n srabes n tfellaḥt n Tizi Uzzu.
Sdat n umḍan meqqren n yilemẓyen yebɣan ad seftin deg uḥric n ttrebga n tzizwa, gezmen-tt deg rray yimḍebbren n srabes n yifellaḥen d akken ad mudden kan xemsa (05) n teɣrasin n tzizwa i yal yiwen n ufellaḥ, akken ad ssiwḍen ad d-rren yakk ɣef wid-ak yessuturen tikci n teɣrasin. Ssuturen yimḍebbren n srabes n tfellaḥt deg yifellaḥen i ijerden imanen-sen deg wahil-agi n tallelt n tikci n teɣrasin, i wakken ad ruḥen ɣer srabesagi n Dayra i ɣur tabaεen, akken ad d-sfaydin seg wahil-agi. Ɣef leḥsab n yisallen n yimḍebbren n srabes n tfellaḥt, yejbed-d uḥricagi n ttrebga n tzizwa, deg yiseggasen-agi ineggura, aṭas n yilmeẓyen i yebɣan ad d-sefti.
Dayen ara d-yawin mebla ccekk aṭas n lfayda i lwilaya. Dɣa bdan kra n yilmeẓyen yakan deg usefti deg usuffeɣ n yisufar n ucebbeḥ, d sabun seg tament n tzizwa.
Ali Zalouk