Akemmel n uḥric 1u
Mi yewweḍ, yessawel-as, yeffeɣ-d, yenna-as: “D lxiṛ kan, acu i ak-id-yewwin di ttnaṣfa n yiḍ?”. Yerra-as: “Ay aḥbib, nɣiɣ argaz, aql-i ala nekk d mmi, ilaq win ara aɣ-d-iεiwnen di lbaḍna-agi”. Yerra-as uḥbib-ines: “Ṛǧu-yi akka amecwaṛ”. Qqimen netta d mmi-s ttṛaǧun armi a-t-a yeffeɣ-d. Iḥelles-d i uɣyul, yerna yewwi-d yid-s agelzim, amrar d wayen ara yeḥwiǧ. Mi wwḍen ɣer uxxam, yenṭeq s aḥbib-is: “Anida-t wagi tenɣiḍ?”. Yewwi-t urgaz ɣer umkan, yetti-d abeḥnuq-nni, dɣa iban-d ikerri s wacciwen-is. Yuɣal mmi-s yewhem, ur yefhim ara. Yenna-as: “A baba d acu-t wa?”. Baba-s: “A mmi wagi d ikerri, zliɣ-t i wakken ad d-tjeṛṛbeḍ leḥbab-ik n lekdeb, d uḥbib-iw n tidet, ihi awi-tt d tamsirt. Yenṭeq s aḥbib-is yenna-as: “Ma d kečč ad ak-yefk Ṛebbi lxiṛ, a-t-an ikerri imzel, awi-t s axxam-ik, ad teččen d warraw-ik».
Taggara
Yahia Yanes