Axnunnes, d ayen i yessettwaɣayen tamnaḍt-nneɣ akked tdawsa-nneɣ. Yettili s umata, d tanga, maca yezmer daɣen ad yili d timdeswelt. Axnunnes, yezmer ad yili deg uzwu, deg waman, deg lqaεa, deg yimeẓẓuɣen, deg wallen… Ad d-neddem azwu. Tura nhedder aṭas ɣef uxnunnes n lgaz n yigenni (Gaz à effet de serre). Lgazat-a, ḍeggirent-ten-id tkerrusin, ikamyunen akked kra n tneɣrafin. Lgaz ukarbun neɣ CO2, yettekki deg-s. Netta akken neεlem, lgaz-a (CO2), yella yakan deg ugama. Iɣersiwen, ḍeggiren-t-id yal ass mi ara ttneffisen.
Ihi, lgaz-a n ukarbun, yettwaḥsab d axnunnes asmi ara yiciḍ s nnig n wayen i d-yewwin ad yili deg uzwu seg waṭas n twinasin n yiseggasen aya. S umata, axnunnes i yekkaten lqaεa akked yisaffen, d axnunnes akruran neɣ d asnudran. Tettas-d seg tneɣrafin akked tmaqqusin tikerrazanin, aḍegger n waman i iwesxen ɣer din… Imnenniḍen n ussismeḍ n tneɣrafin n trisiti, ḍeggiren aman i yeḥman daɣen ɣer yisaffen. Kra n wadalen, gemmun umbeεed yettmettat lḥut-nni dinna. (yettkemmil).
Aḍris-a yettwakkes-d seg : https://www.quebecscience.qc.ca/pose-ta-colle/quest-ce-que-la-pollution/
Tasuqqilt sɣur Abdennour Hamitouche