Aṭas n wawal i yuzzlen tineggura-agi ɣef la J.S.K . Di leqhawi di les bus deg yiberdan di tɣamsa di tmeɣriwin di lǧanazat…… Anda ma teddiḍ, anda teldiḍ tamezzuɣt-ik ad tesleḍ ayen werǧin tesliḍ neɣ tessneḍ ɣef tarbaɛt-agi. D tiṭ d ddaɛwessu d aṭṭan ? Ger wayen yeffren d wayen i d-ibanen d wayen yellan d tilawt. J.S.K Ha-tt-n deg yir liḥala. Teṭṭuqqet temsessit (l’agitation)d usenduddi (manipulation). Teḍra-as am uzger-nni ɣur ṭṭuqtent tferyin. Mačči d ayen ara tessemsawid kan, mačči d izli i tettxiḍiḍ. Yugar yicerrig tafawett.
Iḍelli asmi akken aɛdaw iban, iḍelli asmi d-teffɣent tsuqqas di yal tama fell-as, d nnif d tirrugza d tfenṭaéit i as-yeddu kklen i twizi. Ttewwten yergazen fell-as , ttwaḥebbsen, ttwaḥeqqren,… maca di lawan-nni d azamul n umennuɣ ɣef laṣel. Seg wasmi tella «anwi wigi d imaziɣen», «malic ma nemmut argaz tameṭṭut J.S.K imaziɣen ad d-teḥyu tamurt». D ṣṣut-agi i ittaččaren inurar n takurt uḍar. Lfen deg urar, lebɣi n rrbeḥ (la rage de ḍaincre) d wigi akk i d timant (identité) n J.S.K, mebla ma nettu wid i as–irennun leḥrara s yisefra d tezlatin yecban Maɛub Lwennas, Muḥ Saɛid Ubelɛid, Lunis Ayt Mengellet d wiyaḍ merra, ha-t yiswaɣ ( ambiance) i deg tezder J.S.K. Acḥal n tikkal daɣen I ɛerḍen yeɛdawen-is ad as-bedlen isem : si J.S.K ar J.E.T (Jeunesse Electronique de Tizi-Ouzou). Ala, leqbayel merra ssawalen-as Jugurta éxiste tǧujǧur. D tagi i d J.S.K , d azamul d ajgu, d adrar mgal tiɛuôôebt d yiḥeckulen-is. Ass-a aɛdaw ha-t zdaxel n uxxam, seg warraw-is, ula d aslugi yeǧǧa-d awal : «asmi d tettekk takerḍa si tewwurt akkin ttarraɣ fell-awen lada, ma tura ula ay xedmeɣ. Qerriḥet tegnit, newweḍ armi nwala imyurar i tt-irefden d yimdebbren n wass-a la ttemyewwaten s tɣamsa si laɛḍil ar ad awḍen ɣer wayen nniḍen.
Tewwi-d i yal win i as-igan lsas amezwaru alamma d amyurar aneggaru n tmurt n leqbayel ad as-iger irebbi i usdukkel n yiɣallen, ilaq ad ilin yirgazen iɛerḍiyen arra tt-id-yessuffɣen di txerxert-agi ideg tettidir. Mačči siwa annect-a i as-d-yeqqimen i tmurt n leqbayel ad yeɣli daɣen. yettaɣ lḥal kra n wayen yellan d azamul neɣḍel-it.
Akken yebɣu yili lḥal, akken yebɣu yili wawal J.S.K ad teqqim d J.S.K. Isekkilen-agi uran-ten warraw-is s wureɣ ama di tmurt ama di tefriqt. Ittuḥettem ɣef yimdebbren-is ad s d-afen tifrat. Yal yiwen ad yeǧǧ ciṭ di leḥq-is, ad imuqel ɣer yigli (l’horizon) s tmuɣli tahrawant tin ara ɣ-yessuffɣen ɣer tafat uqbel ad nemseglu am wid izeggren asif yečča-ten.
A. Ɛerqub