Dayen, nefra-tt : d Lina ar yesnehren la liste-nneɣ ɣer tefranin. Yeddiguti ubibiḍ n Tqerbuzt, mais akka ulac d acu ara yexdem: d taseqqart i yextaren!
Mi nfuk listing d positionnement, yenna-ak dda Militant:
– Tura ilaq ad as-d-naf un slogan i uberreḥ.
– D acu-t daɣen wa? i t-teseqsa Lina
– Slogan de campagne: ad d-nini di kra n wawalen d acu i d lebɣi-nneɣ.
Dɣa neqqim-as, ad as-nxemmem un coup. Amecwar akka, inṭeq-d Muṭṭiḍ :
– “Tafunast i yiteẓẓgen pétrole i win ara tt-yeksen !”
-Yelha slogan-agi a Muṭṭiḍ, i iwala dda Militant
– Nek, je propose : “win yebɣan lxir ad ifiḍ, yebuṭi Bibiḍ», i d-yerna Aksil
– D acu tenna-m di : “ay abibiḍ a buleḥnak, Lezzayer mačči n yemma-k” ?, i d-teprupizi Lina à son tour
– Awah a Lina, yelha meɛna, il n’est pas politiquement correct, i iwala dda Militant.
– Atan ihi ɣur-k yiwen n politiquement correct : “Ǧazayer lɛizza wa lkarama tuḥeyikum min ǧibal Ǧurǧura !”
Akken i iruḥ ad d-yetenq Mecṭiṭuḥ, alias dda Spilu, tekcem-d yemma : “sani akka i tessawḍem ? Tefra ? Ilaq ad tt-tefrum: tewweḍ-d Tefsut n Yimaziɣen, ad nruḥ ad tt-nemmagger !”
Wellah ar nettu Tafsut-nni. Tesmektayaɣ-d deg-s yemma ad tt-yeḥrez Rebbi. Tespiri-d ula d Mecṭiṭuḥ : atan ihi uberreḥ-iw : “win yebɣan Tafsut, yarew-tt-d !”
T.Ould amar