Ccumaj d aɣbel yuɣen yal tama n Tmurt n Lezzayer. Deg lwilaya n Tizi Wezzu, anida ilemeẓyen d telmeẓyin yesɛAn igerdasen deg yal iḥricen ur uffin amkan n uxxedim. Ɣas akken tisaltiyin n usexdem n yelmeẒyen d tid i d-yufraren iseggasen-a ineggura deg temurt n Lezzayer maca leḥsabat unṣiben d wid i d-yeqaren belli azal n 10 ɣer 11% n yizzayriyen ur ufin ara amekan uxxedim, aya s wudem unṣib, ma n wala tilewt, leḥsab d win yugaren aya… Deg lwilaya n Tizi Wezzu, ɛlla ḥsab n leḥsabat i d-yekka wegraw aḥerfan n lwilaya, azal 25.60% n yimezdaɣ ur ufin ara amkan uxeddim. Ad nar tamawt belli leḥsab-a d win meqren ma neẓra belli leḥsab n imezdaɣ s umata yeweḍ ɣer 1 269 850 n yemdanen. Ma nwala sebbat n lexṣaṣ n uxxedim, ad naf belli d aḥric n usefti ur n teddu ara akken i iwulem, ladɣa deg sin n yiseggasen-a ineggura. Ulla d kra n yimeseftin yellan deg lwilaya rewlen s sebba n warlaman ( insécurité) d wuguren niḍen i d-ttemlilin deg leqdic nnsen adamsan. Gar 2005 d 2012 azal n 70 imseftin(investisseur) fɣen lwilaya n Tizi Wezzu.
D.I