Iɣallen n laman n iɛzugen sekrefen wid d-yellan deffir n tmenɣiwt n yiminig(A,saɛid) Yerra ,yemḍebber n uxxam n cceôɛ n iɛzugen ddurt-agi, tlata n yemdanen ɣer leḥbes n laɛḍil mebɛed mi yettwaṭef yiwen seg-sen di yiwet n tedyant n tikerḍa id d-yeḍran di tamat –agi. Mi yebda usekfel d unadi yerzan tamsal-agi, iban-d d akken imdanen–nni xedmen aṭas n lejrimat ur iqebbel ara lɛqel, imi llan ineggura- agi deffir n tmenɣiwt n yiminig (A,saɛid) i yesɛan di lɛemer-is 74 n yiseggasen deg seggasn 2010 , iɣallen n yijadarmiyin si lejiha-nsen, nnan-d deg yiwen n wulɣu i d-fkan ddurt-agi, anda d-uɣalen s ttfaṣil ɣef ayen d-icudden tadyant i yessawḍen iminig-nni ɣer lmut daxel n uxxam-is id yezgan di taddart n Ifiɣa i itabaɛen la dayra n iɛezugen i ibaɛden ɣef tizi uzu s wazal n 35 n yikilumitren, zyada ɣef wanct-a iban-d d akken iminig iwumi ssawalen (A,saɛid) yettwanɣa s lmus anda d-banent waṭas n tyitiwin ɣef tfekka-s ,imdanen yettikin di tedyant-agi di lawan deg yella (A,saɛid) la yettmettat fureṣn tagnit i wakken ad akkren sekra n wayen yesɛan azal deg uxxam-is, ineggura-agi sawḍen iɣallen n yijadarmiyen akken ad ten-ttfen , imi uɣalen ɣer isawalen ineggura id d-yellan ger iɛeggalen n terbaɛt-agi di tlata yid-sen, anda yessaweḍ yiwen seg-sen ad d-yefk i wiyad isalen iwatan ɣef uxxam n yiminig iwakken ad izmiren ad kecmen ɣer daxel mebla ma faqen lejiran. Iɣallen n yijadarmiyen deg ulɣu I d-fkan seḥerṣen ɣef teɣimit n imdanen-agi daxel usekref alma ifuk unadi d usekfel yerzan tadyant d yeglan s lmut n yiminig(A,saɛid) d tedyanin niḍen deg sɛan afus.
M.Q