Imezdaγ n taddert n Wizgan, ttheggin yiwet n tmeγra meqqren, ilmend umuli amezwaru n tmettant n Mhenni Amroun ass n 19 yebrir 2012 di taddert-is Wizgan sebba imi yeḥbes wul-is ur-iḥebbek-ara.
Tajmilt-agi ad-tebdu ass n 19 almi d 26 yebrir 2013, anda leqdic ad-yeddu s teγzi n 08 n wussan.
Dγa imezdaγ n taddert n Wizgan bdan leqdic uheggi i tejmilt-agi 05 n wagguren-aya γer s deffir, ubayen deg aggur n ctember useggas yezrin 2012. Yal aggur ttemlilen ger snat d krad n tikkal anda id-εeggnen tisquma ara iqedcen, am tesqamutt n yedles, tasqamutt n yisalen, tasqamutt n waddal, tasqamutt n tεessast, tasqamutt n tinubga, d waṭas niḍen, anda iṣawḍen jarden ahil unṣib ar 95%.
Aṭas n yemdanen idεarḍen akken ad-ḥedren tajmilt-agi xarṣum tawacult-is n yinaẓuren. Ahil id-heggan γef demma d amarkanti anda llant temzikniyin yemgaraden, isaragen d yinaẓuren akk d yimusnawen, taγuri n tmedyazt, asenεet n yisura ideg id-yurar Mhenni, aselmed n taklut d ttṣawar, aẓawan d ssinima (Les ateliers de dessin et photo, musique et cénima ), amezgun, ccna, turart d unecraḥ i warac imecṭaḥ, timzizla γef tezlatin n Mhenni d waṭas niḍen.
Dγa leqdic mazal yettkemil akken iwata lḥal, anda tasqamutt uheggi n tejmilt i Mhenni, grrend tiγri i kra n win yesεan kra n tγawsa id-yettmeslayen γef Mhenni akken ama d ttṣawar, d idlisen, d tizlatin akken yebγu yilli, ad-qesden tasqamutt-agi uheggi id yezgan di taddert n Wizgan.
Islam Bessaci