Taḍatt: da d ammas (centre) agejdan! Da d ammas agejdan eğğ argaz teddemḍ taqcict! taqcict iman-is ad nerr tayeḍ deg umakan-is
Taxemrit: yak neεlem-asen?!
Weεli: (iεeggeḍ) taqcict nniḍen?! Tewwḍem-d ula ɣar iḥulfan-iw?! Γas ur seεraḍe-t ara, ur tezmirem ara atent-selḥum
Amsulti: (yuẓa γar txemrit) iyya yid-i a mass-a
Weεli: ur tettruḥ ara, ur ttruḥ ara!
Amsulti: (s tezmart) ayya-d yid-i
Weεli: ala k d qqareɣ ur tettruḥu ara, ur tettruḥu ara
Amsulti: (iwehha ɣaf umdan tmacint) ddem-itt
Taxemrit: (ttuɣ) ala, ala, ur tettağğa-ara ad iyi-awi, ur tettağa ara ad yessiɣ iẓenẓaren s walen-is, d nekk ar y ruḥen ad ruḥeɣ s lebɣ-iw, ttxilek ndeh-as ad yeqqim deg umkan-is ttxilek
Weεli: (ymmeγ γaf umgerḍ n umsulti) ndeh-as naɣ ad erẓeɣ iγessan n umgerḍ-ik
Amsulti: aha wexxer-iyi txenqeḍ-iyi, wexxer fell-i
Weεli: ad ak nɣeɣ, ad awiγ tamgerṭ-ik
Ʃli: (iger iman-is) d acu i k yuɣen, yeffeɣ ik leεqel?!
Weεli: ini-as ad yeḥbes ugejdur ina naɣ mawelli ad tenɣeɣ
Ʃli: serreḥ i umgerḍ-is qbel
Weεli: atah! Ini-as ah! ad as yendeh ad yeḥbes
Amsulti: (yekker iwehha itmacint-nni am wemdan) bedd!
Weεli: ma yella tebγiḍ ad tawiḍ taqcict-ina, ula d nekk glu yes-i!
Amsulti: d ayen i tesliḍ s umeẓẓuɣen-ik d acu i d nnan
Weεli: dduɣ yid-s anida tebɣum tawim-tt ad
Amsulti: amek! tebγiḍ ad zelgeɣ i wawal?!
Weεli: acimi ar aɣ tebḍum, yak ula d nekk ttikkiɣ deg wayen akk texdem?
Amsulti: nekk akken id iyi-d nnan ad xedmeɣ akken
Weεli:bɣan ad iyi ḥebsen akken ur d iteffaɣ ara yiniɣ nneɣ,imi akka i bɣγan, ad walin ihi d acu ara xedme&gamma,;yak ad iyi-d ssiwlen ad meslayeɣ, ass-n ad seɣliɣ kra yellan ad asen-d-iniɣ 300 iseggasen kra iğğiγ akk ufiɣ-t-id ibeddel ala: tegdi n umeslay, d reffu ɣaf tiktiwin nniḍen
Tzemrem ad iyi tḥebsem, tzemrem ad iyi tenɣem maca taqcict-a ur d iyi tt-t-tekksem ara, ma yella kra i tga aqal-i zdat-wen d nekk ara ibiben kra yellan
Taxemrit: ahat d nekk akk ik yessawḍen ar waya
Weεli: s lferḥ d ameqran ar bibbeɣ aḥric-im
Taxemrit: nekk qebleɣ ad iliɣ yid-k yeqqim-d nutni ma qeblen
Weεli: d nekk ara ten-yessiwḍen ad qeblen, lamer ad awiɣ tamgerṭ, naɣ ad tesekkreɣ deg umaḍal ad greɣ fella-sen ayen ɣef ur bnin ara
Taḍatt: da d ammas (centre) agejdan! Da d ammas agejdan iyya a mass d tidet tqebleḍ ad tbibbeḍ aḥric-is? ma yella tqebleḍ ini-aɣ-d
Weεli: ih d aya i d sutureγ
Taḍatt: ih! ihi serḥet-as ad truḥ ma d kečč ad truḥeḍ iman-ik ar temdint n n tsusmi naɣ mačči akka?!
Weεli: s lferḥ d ameqran
Taḍatt: din ara ad taruḍ rabulat-ik, s afus n talelt ara k d mudden kra n yimusnawen, ma yella d timliliyin d wiyaḍ ad lint s ddaw n tecḍaṭ n temsulta n din
Weεli: begseɣ
Taḍatt: ahaw ihi ddu-t-as di lebγi i inebgi-nneγ aḥlfawan
Amsulti: (isuɣ) tura
Tessusem taḍatt amsulti yekker ad yeg ayen i as d-nnan
Taxemrit: (tuẓa γar weεli) acimi akka? ur uklaleɣ ara ad tbibeḍ ayen akk giɣ
Amsulti: iyyan ihi!
Weεli: iyyan
Ʃli: d tidet ad truḥeḍ, ur tbeddleḍ ara akk, ɣas zrin 300 n yiseggasen tezzi tezzi ad tuγaleḍ alamma d lḥebs ɣaf seba n tmeṭṭut
Taxemrit: (ar tmeẓẓuγt) d awezɣi ad ak ttuɣ
Weεli: ula d nekk
Taxemrit: (ar tmeẓẓuɣt) aya i tgiḍ ad yesnerni di temsalt-nneɣ, d ayen ara d yerren azal i uḥulfu i yerran d timucuha
Weεli: ar tufat, zemreɣ ad akem…
Taxemrit: ih tzemreḍ ad iyi-tessudneḍ
Myegren irebbi
Akli Outamazirt