Neḥṣa merra dakken ala lmut i yesεedlen ger yemdanen, tettawi mebla leqzeb, mebla ceḥa, mebla tifarni mebla…atg Γas akken lmut d lḥaq, maca aṭas n yemdanen itt-iγunzan, imi lmut rẓaget, ulac win itt-iḥemlen akken tebγu tili, imi teseggray-d tegti d wayen n dir, tessefsad tanumi. Ussan-agi yezrin, ass n 07 ctember 2014, mass Muḥend Aεrab Ḥammoum, yiwen n umaγnas meẓẓiyen n tugdut , i yebdan amennuγ deg seggasen n 80 γef tmaziγt d tugdut, u mgal lbaṭel d miḥyaf, yemmut di temnaḍt n Lille n tmurt n Fransa di laεmer-is 48 n yiseggasen. Maca, lmut-is thuz merra imdanen, kra n win yeslan s talluft yewhem yeqqim. Dγa tasebḥit n wass n lḥed 07 ctember, yerna weqcic γer Muḥend Aεrab di tama n Lille. Muḥend yefraḥ nezzah, imi aqcic-agi yernna-d s deffir weltma-s. Yessawel-d i ggma-s γer tmurt, yesaεlem-it swayen yellan, tagi d tallalit n mmi-s. Muḥend yeṭṭef mmi-s ger ifasen-is, ihuzz-it, yunni-t akken yella, iḥulfa ula s teḍsa n mmi-s, imeslay-as akken yettmeslay baba-s i mmi-s, imi imselayen is-yenna d imezwura , yura daγen ad-illin d ineggura. Lemziya d akken ṭṭfen-d tṣawar n ufekkar, ara d-yeqqimen d cfawat n lebda, imi d tikkelt tamezwarut u d taneggarut i meẓṛen. Muḥend Aεrab yeffeγ-d di sbiṭar, irruḥ srid akken ad-yawwi yelli-s yesεan 07 n yiseggaasen di laεmer-is deg uγarbaz, maca lmut taγeddart terza-d γer-s, tewwi-t uqbel ad-yawweḍ γer yelli-s, yura ad-yemmet deg ass n tllalit n mmi-s, Muḥend yemmut mbaεd mi yaḥbes wul-is i waḥbak. Tamḍelt-is tella-d ass n 15 ctember yezrin,di tmeqbart n taddert n Wizgan, anda iḥedren deqs n yemdanen, imi Muḥend Aεrab d amaγnas n tugdut d tlelli, yella niqal deg ukabar n Wegraw i yidles d tugdut, syen yella d aεeggal n laεruc di tallit n tefsut tabarkant. Tamettant n umaγnas n tugdut tḥuza yal amdan, imezdaγ n raddert d tγiwant n Wizgan, imddukal-is d kra n win yeslan s tmettant-is sḥasfen merra s tyita. Nessaram-ak rreḥma a yaḥbib n lebda, sgunffu di talwit.
Islam Bessaci