Am yal aseggas, tasnawit n Tiplakin i d-yezgan di Tγiwant n Wagennun γer usamar n Tizi Uzzu tettidir yir liḥala. Aya, yessaweḍ inelmaden ad ḥebbsen, sya γer da, γef leqraya. Gar wuguren i d-mmuggren yinelmaden n tesnawit-a, lexsas n yidlisen ladγa i wid ara yesεeddin akayaḍ n BAC aseggas-a. ‘’Amek i nezmer ad nheggi iman-nneγ γer BAC, ma ulac idlisen. Aggur-aya segmi nettrağu, ulac. Wa yettarra-tt-id γef wayeḍ : wa yeqqar-d d anemhal i yesstehzan ; anemhal yeqqar d CRDDP.’’ I aγ-d-nnan yinelmaden. Σlaḥsab n tneγlaft n leqraya, tiktabin akk wejdent. Zyada γef wanect-a, ulac lmakla ar tura, rnu-as lqella n waman…
Γef wanect-a, dγa, aṭas n yimawlan i ibeddlen iγerbazen i dderya-nsen, εemmden ad tent-aγen di texriṭ xas ulamma imḍebbren n lwilaya ugin-as i unemhal n tesnawit-a ad yeqqbel aserreḥ-nsen.
Hocine.M