Iwakken ad d-tules i uqeddic-is adelsan i as-yuɣalen d ansay, i tfaska i ttraǧun kra wid iḥemmlen awal yal meɣres mara teǧǧuǧug tefsut, Tidukkla Tadelsant Adrar n Fad teggar tiɣri seg wass-a amenzu n yennayer 2965 (12 janvier 2015) i kra tid ed wid yesqerdicen awal s uruẓ, i tmedyazin akked yimedyazen imaziɣen yebɣan ad kkin deg tfaska n tmedyezt tamaziɣt deg teẓrigt-is tis mraw ed kraḍ (13), d tajmilt i Dda Lmulud At Mɛemmer. Bac ad d-aznen kraḍ (3) seg yisefra-nsen imaynuten s sin n yimedyaten i yiwen, ɣer tansa-ya: Tidukkla Tadelsant Adrar n Fad, Cedex N° 03, BP 105, Ayt Smaɛel, Bgayet (06044). Ula i wid yebɣan ad d-aznen s ttawil n internet yella yiznil-a aliktrunan i walmend-nwen: [email protected]. Ad d-nesmekti dakken isefra ilaq ad ilin uran s tmaziɣt s wallal n uselkim, rnu ad d-teddu yid-sen tukkist n uzmam n tlalit (extrait de naissance) n yal yiwen, iwakken ad neḥsu s tnekwa-nwen. Ma yella, d azemz (date) aneggaru n uceyyaɛ n yisefra-nwen ur ilaq ad iɛeddi 26 n wayyur n furar 2015. I wid yesran i wugar n yisallen ɣef usaḍuf n umsiẓwer neɣ ɣef winna agensan n tfaska, tzemrem ad d-tessiwlem ɣer wuṭṭunen-a n tilifun. Win yersen: 034 39 00 90. Neɣ ɣer umafus: 0549 19 43 30 / 0542 13 31 78 . Adrar n Fad, akken tennumem ay at wawal, atan iferreɛ seg tura iɣallen-is s «ansuf» deg yimi-s. Ilit di ttiɛad.
Mhenni Xalifi