Mxalafen medden ɣef ayen yaɛnan lemɛinṣṛat. Llan kṛa qaṛen-d aken d lemɛinṣṛat timaynutin i yellan xiṛ n teqbuṛin.Wiyaḍ ttaṛan-asen awal belli d lemɛinṣṛat tiqbuṛin axiṛ. D ttidett, iseggasen-agi inegguṛa aṭaṣ n lemɛinṣṛat titṛaṛin i kecmen aṛ wannaṛ n tuẓḍa n uzemmuṛ.Ass-a, d ttimacinin timaynutin i yellan deg lemɛinṣṛat, acku tuẓḍa n uzemmuṛ tṛebḥed aṭaṣ n wakud. Tuṛa, maḥsub ttimacinin i xedmen kulec, amdan yeggaṛed afus-is deg kṛa n tɣawsiwin kan. D ttidett daɣen lemɛinṣṛat-agi titṛaṛin ɛeṣṛen-t akken ilaq azemmuṛ aken ad yeffaɣ aṭaṣ n zzit, ttṣeffint-ett aken ilaq, ittefɣed yeṣfa, d-awṛaɣ am…uṛaɣ.D-acu kan, wid iḥemlen lemɛinṣṛat tiqbuṛin qaṛṛen-d aken ɣas ma yella lemɛinṣṛat-agi titṛaṛin ttakented aṭaṣ n zzit, maca lbenna n zzit nsen-t ulac! Qaṛen-d belli timacinin-agi titṛaṛin sṛuɣuyen-t zzit, tteksen-t-as lbenna lakked d « Les γitamines », aken neẓṛa belli wigi asmi ad yali weẓɣal xeṛben, ttuɣalen ulac degsen-t lfayda. Ma yella d lemɛinṣṛat n zik, tigi ɛeṣṛen-t azemmuṛ aken kan, mebla ma yeṛɣa deg tmacinin.Ayagi yettaǧa lbenna-s akk d « les γitamines » ččuṛen s daxel. Zzit n lemɛinṣṛat tiqdimin yettɣimi akenni kan, bnin, as tiniḍ d-azmmuṛ i tett wemdan. Maca, tuẓma n-uzemmuṛ txuṣ imi mači s tmacinin i tettwaxdam, s lǧahd n yiɣallen, aken ttẓeyiṛen lquqna ɣef teqfacin ansa id itteffeɣ zzit ubnin ɣeṛ wemdun. Aṛ ass-a mazal llan-t kṛa n lemɛinṣṛat tiqbuṛin deg tama n Ṣummam. Aṭaṣ n yemdanen yettawin aṛ din azemmuṛ nsen aken ateẓden am zik nni. D-acu kan, tigi bdant « negṛen-t », imi tatṛaṛa lakked d tmacinin timaynutin ksen-t-as aḥṛic meqṛen i lemɛṣṛat tiqbuṛin, yeqqimen d-azamul n tjaddit, neɣ nnig waya, d idles aqbuṛ.
Syphax.Y