Deg yiwet n tfaska n ccna d cḍeḥ i d-yellan, yakan, deg uxxam n yidles Mulud Mεemmri n temdint n Tizi Uzzu, tecna-d u tecḍeḥ-d yiwet n terbaεt n Falistin. Ass-nni, necden-d yimḍebbren inelmaden n yiwen uγerbaz alemmas i wakken ad ḥedren. Ar da, nezmer ad d-nini d ayen yelhan, tεedda-d am nettat am trebbuyaε-nniḍen. Acu kan mi selken cḍen, nutni yuγ lḥan cnan-d tizlit tagrawliwt d taneggarut anda i sxedmen leslaḥ. Akken selken, fkan-d leslaḥ-nni akked taεellamt-nsen i yinelmaden u arrac-a bdan sexdamen leslaḥ-a am wakken d tidet.
Kra yellan din d amdan yeqqur γef ukersiw-is. ‘’Akka i d-yettwaxlaq rrebrab, meḥsub drus lakul alamma rnan-d wigi’’ i d-yenna yiwen seg yimawlan n yinelmaden.
Ma d wayeḍ yenna-asen :’’d imru i yeḥwağ unelmad mačči d taneggḥelt.’’
Hocine.M