Am wakken i tuɣ tannumi txeddem di yal tagnit, tiddukkla Kafil El Yatim n tγiwant n Leɛǧiba, tbedd taggara n yimalas yezrin γer yidis n yimeγban iwumi tessawḍ kra n terzeft i lmend n tfaska n tlallit n Nnbi. Tameddit n wass n lexmis yezrin, iɛeggalen n tiddukkla-a, zzin-d γef tudrin anda qesḍen ixxamen n 52 n yimeγban iwumi fkan lemɛawnat yerzan isufar n wučči, d yigumma. Ɣef leḥsab n wayen i aγ-d-nnan yiɛeggalen n Kafil El Yatim, yal aḍellaɛ tewweḍ lqidar n wayen yellan deg-s γer 550 n yidinaren. Mi nesteqsa Mourad Drici, aselway n tiddukkla-a γef wamek i ssawḍen s aya, yenna-d : « Tajmilt ad tuγal i wid d tid i d-yerran i teγri-nne&gamma,; imi nessaweḍ ad d-negmer akk lxir yecban wa. Seg tama-nne&gamma,; nessaram di yal tikkelt, ad nili deg lmendad i twaculin yenṭerren meqqar ahat ad d-nerr deg-sent cwiṭ n usirem yal mi ara nizmir». Ad d-nesmekti d akken mačči d tikkelt tamzwarut ara d-tili tigawt yecban ta, imi tiddukkla Kafil El Yatim deg Leɛǧiba tezga tettili γer yidis n yimeγban di yal tafaska.
M. Smail