I lmend n waggur n Remḍan i d-iteddun akked yimuras n unebdu, fkan ttesriḥ yiɛeggalen n Useqqamu aɣerfan n tɣiwant n Lemɛatqa n usemres n yiwen n wadag n tɣiwant i unaẓum n yilmeẓyen. Yusa-d rray-agi seg uselway n Useqamu aɣerfan, deg wussan iɛeddan. Sdat n lexṣas meqqren deg yimeḍqan n usetaɛfu akked waddagen n waddal, imeḍqan n tzegzewt, ad yili umḍiq-agi n unaẓum d amḍiq n tukksa n lxiq n yilmeẓyen. D tagnit, diɣen, twaculin i wakken ad steɛfunt, ɣas ma aṭas n wallalen n unaẓun i ixussen, maca tikti n talluyt n umḍiq-agi, tusa-d deg lawan-is. Yezga-d wadeg n unaẓum sdan n uxxam n yilmeẓyen n tɣiwant n Lemɛatqa.
Ali Zalouk