Tawaɣit i d-yeḍran, imalas-a, deg temdint n Wehran, teǧǧa imdanen di lḥir. D yiwet n teqcict yeqqaren deg uɣerbaz alemmas, tin iwumi qqaren Aya, 13 n yiseggasen di leɛmer-is, i iɣaben ass-nni n lḥed iɛeddan ɣef uxxam-nsen. Timental n tuffra-ines, ɣef wakken i ttmeslayen yimdanen, d tukerḍa i tettwaker. Tadyant teḍra deg ugmam anida tezdeɣ, Mimuza yettabaɛen iɣrem El Badr ur nebɛid ara aṭas ɣef uzaduɣ asdawan. Seld mi tekfa timsirin tuzzigin, teffeɣ-d, seg yimir ulac fell-as isali. D ayen i yeǧǧan tawacult-is ad truḥ ɣer temsulta, ad tessuter anadi akken ara d-tban yelli-tsen uqbel ad ifat lawan. D asmekti kan, tukerḍa-agi n warrac d yiwen n usaru mucaɛen deg Wehran, imi yal tikkelt la nsel s twaɣit teḍra. Ɣef waya i d-yewwi ɣef yimawlan ad sseḥbibren ɣef dderya-nsen ladɣa imecṭaḥ, ad tteddun yid-sen s anda ruḥen.
Khaled. A