Amussu n tdukliwin n tɣiwant n Ɛğiba yuzen yiwet n tebrat i umḍebber amezwaru n twilayt n Tubiret anda i t-snemren ɣef umecwar-agi i d-yuɣ seg wasmi i d-izga ɣef uqerru n twilayt-agi.
Tuffɣa ɣer wannar deg waṭas n tɣiwanin d usebded n waṭas n yisenfaren ğğan yimyura n tebrat-agi ad rren tajmilt i Ali Bouguerra, s timmad-is d Lwali n tubiret, imi yessaweḍ ad d-yerr asirem i yimezdaɣ n twilayt-a, yuɣalen di rrif acḥal d aseggas. Am wakken i ferḥen s wudem i d-yettqabal umḍebber-agi kra n umdan ara yebɣun ad yeccetki. Tamezzuɣt i d-yettak i yimcetkayen d tin yesεan azal-is, imi yessaweḍ ad yessuzef lḥif d leḥqara ɣef yimdanen.
Asirem n umussu n tdukliwin n Ɛğiba d adfar n ubrid-agi i d-yenjer Ali Bouguerra, sγur yimḍebbren n twilayt-agi deg yiswiren-is irkelli, iwakken ad tifrir tagut ɣef temnaḍt yenṭerren si yal tama.
M. Smail