Aselway n tegduda, i tikelt tamezwarut ara d-ixaṭeb Izzayriyen deg terga n tiliẓri tamaziɣt TV4 seldazekka Larebɛa amenzu n Yibrir 2009, ad d-yemmeslay ɣef yiwet n tɣawsa taxatart akked yimal n Tmaziɣt, maca ur d-ibeggen ara ayagi, yebɣa ad t-yeǧǧ d tamuffirt. Γef wakken d-nnan deg leɛwanser unsiben; yebɣa ad iressi tutlayt tamaziɣt deg tmendawt ad tili d tunsibt, imi dayen yessaweḍ Rebbi lweɛd, ur d-yeqqim wakud i tkellax akken ad weffin s lɛahed ur yettwaḥeggaf Uzzayri… ad inesseb amenzu n Yibrir d ass aɣelnaw n Tutlayt tamaziɣt. Ihi, ilit di ttiɛad ɣef tsaɛet tis 21:00 ad teslem i yinaw anmezray n lqern-agi.
H. Ahmed