Taɣiwant n Friqat, am nettat am tamawin-nniḍen n tmurt, tessaweḍ ad tfakk tallit n tmegra d wejmaɛ n lɣella. Ɛlaḥsab n yifellaḥen n tama-agi, lɣella d tin i irebḥen aseggas-a. S waya telḥeq ɣer wazal n 25 yiqenṭaren i yiwen n uhegtar. Ayagi ilmend n lemɛawna i tefka ddulla i yifellaḥen deg ureṭṭal iwumi qqaren Rfig i tiɣin n ttawilat n lɣebar.
I usmekti, areṭṭal-agi d win iɣef ur tettawi ara lbanka lfayda, imi netta iswi-ines d tikci n wafud i yifellaḥen ilmend n tennekra n uḥric-agi n tfellaḥt deg tmurt-nneɣ.
Lḥemla n tmegra deg temaḍt-agi n Friqat d tin ara yawḍen ɣer taggara-s deg wussan i d-iteddun, lɣella tettuzenz i la CCLS Draɛ Ben Xedda. Ɛlaḥsab n yifellaḥen, ssuma n uqenṭar n yirden d tin yulin aseggas-agi, imi tessaweḍ azal n 4500 yidinaren.
Dalila I.