« Anwa terniḍ a Σli nne&gamma,; yenna-as : d Faḍma nneγ » d wa i d awal i aγ-d-tenna Karima mi tesla s wayen i as-yeḍran i uselmed n tmaziγt-nni deg wagen-is. Acu i yeḍran i uselmed n tmaziγt di Tizi Wezzu ? Xas ulamma uguren n uselmed n tmaziγt ur mxalafen ara s umata si lwilaya γer tayeḍ, lameεna di Tizi niqal yebda yettenqar-d yiṭij ; yebda yettnerni usirem deg ulawen n yimezda&gamma,; ladγa mi d-nnan yimḍebren :’’aseggas-a, inelmaden n yiγerbazen imenza ad γren akk tamaziγt’’. Ziγ d “tafat icuban ṭṭlam, d aγebbar s allen, aṭas n yiγerbazen ur qqaren ara tamaziγt, déjà kan taγiwant n Tizi Wezzu ur ssawḍen ara ad tt-γren akk : ur tt-qqaren ara deg uγerbaz Baidi, deg uγerbaz n watmaten MOULA di Tala Σetman…atg’’, i aγ-d-yenna Ahmed. Rnu γef wanect-a, ḥettmen γef yiselmaden akken ad sseγren 24 n swaye&epsilon,; llan wiyaḍ kter xas akken iwillihen i d-yekkan s tneγlif n usegmi qqaren-d deg yiwet n la circulaire, yelzem kan γef uselmad ad yesγer 5 ar 6 yigrawen, lmeεna-s si 5 ar 6 n tesmilin (classes) ‘’mačči d swayeε i d aγbel d tismilin’’. Ikemmel Ahmed deg wawal-is. Ma d N.S yeṭṭes armi d sbeḥ yufa-d amekkan-is tewwi-t tayeḍ mebla ma yeẓra, ‘’tewwi-t tin yesεan tuyat di lakadimi’’ i aγ-d-yenna. Yufa-d iman-is deg umekkan-nniḍen, la leεben yis-s am ulqaf, netta id-yeddren amecwar n yisennanen n uselmed n tmaziγt si 1995 ar ass-a. Tamsalt-is tecba tin n Hocine.M i d-ḍegren seg uγerbaz n Tala Σetman γer Rğawna mebla ma cawren-t,lqanun yeqqar-d ilaq axeddam ad yeḍleb amekkan neγ ad yexdem lfalṭa. Mi nesteqsa H.M, yenna-d s teḍsa :’’lfalṭa xedmeγ ? si 1995 ar ass-a mazal-iyi d aselmad n tmaziγt…a ddin uqabac.hahaha’’. Lamaεna ayen yugaren aya, d leεtab i d-xelqen i yiselmaden ; amur ameqqran deg-sen sγarayen di tlata n yiγerbazen i wakken ad ssiwḍen 24 swayeε neγ εad 18. ‘’Wagi qqaren-as asufri mačči aseγri i aγ-d-tenna Karima,tkemmel : ‘’amek ara tili lfayda deg uselmed am wa ? Tazmert-iw akk tettruḥu di tikli seg uγerbaz γer wayeḍ !Acuγer ur nxeddem ara am yiselmaden-niḍen, wid n physique, anglais akked Histoire/Géo xeddmen kan deg yiwen umekkan, amur ameqqran sεan 12 swayeε yerna yiwen ur ten-iqelleq, akken i as-yenna winnat : “anwa terniḍ a Σli nne&gamma,; yenna-as : d Faḍma nne&gamma,; yerna ula d acetki ulac iwumi ! Di bgayet, tiddukla nsen temlal d unemhal n lakadimi, fran tamsalt-a, nessaram ula da ad d-yeḍru wanect-a.’’
Xas akka, arrac ḥemmlen tamaziγt, lukan kan ad ten-ğğen ad tt-γren. Ayen yeḍran deg uγerbaz n Lotfi di Tizi Wezzu ur ilaq ara ad yeḍru anda-nniḍen. I usmekti, deg uγerbaz-agi, anemhal-is u s rray uqerruy-is, yefka ttesriḥat i yinelmaden i wakken ur qqaren ara tamaziγ. Σlaḥsab n tiddukla n yiselmaden n tmaziγt n Tizi Wezzu, azal n 60 n yinelmaden ur keccmen ara γer sswayeε n tmaziγt. Tiddukla-a teḍleb deg unemhal n lakadimi ad d-yexleq yiwet n tesqamut ara d-ikecfen tuffirin n temsalt-a. Nessaram kan tasqamut-a ad aγ-d-tini ismawen n yimḍebbren n lakadimi i yugin i warraw nsen ad γren tamaziγt, axater d nutni i yebdan di tazwara, akken i d-yeffeγ wawal.
Hocine. M